ഇന്ത്യൻ ടീമിൽ ഏറ്റവും മികച്ച ബാറ്റിംഗ് പ്രകടനം നടത്തുന്ന താരമാണ് ശ്രേയസ് അയ്യർ. കഴിഞ്ഞ വർഷം നടന്ന ഏകദിന ലോകകപ്പിൽ ഇന്ത്യയ്ക്ക് വേണ്ടി ഏറ്റവും മികച്ച ബാറ്റിംഗ് പ്രകടനമാണ് അദ്ദേഹം കാഴ്ച വെച്ചത്. എന്നാൽ അതിന് ശേഷം ശ്രേയസ് ഇന്ത്യൻ ടീമിൽ ഓർത്തിരിക്കാൻ പറ്റിയ മികച്ച ഇന്നിങ്‌സ് സമ്മാനിച്ചിട്ടില്ല.
ഇപ്പോൾ നടക്കുന്ന ദുലീപ് ട്രോഫിയിൽ ശ്രേയസ് ഇന്ത്യ ഡി ടീമിന്റെ ക്യാപ്റ്റനാണ്. ഇന്ത്യ എ ആയിട്ട് നടക്കുന്ന മത്സരത്തിൽ സൺഗ്ലാസ് വെച്ച് ബാറ്റ് ചെയ്യാൻ വന്ന ശ്രേയസ് സോഷ്യൽ മീഡിയയിൽ ട്രോള് മെറ്റീരിയൽ ആയി മാറിയിരുന്നു. എന്നാൽ ഗ്ലാസ് വെച്ച് മികച്ച പ്രകടനം നടത്താൻ താരത്തിന് സാധിച്ചില്ല. ഗോൾഡൻ ഡക്കായിട്ടാണ് താരം മടങ്ങിയത്. അതിന് ശേഷം അദ്ദേഹത്തിന് നേരെ വിമർശനങ്ങൾ ഉന്നയിച്ച് കൊണ്ട് ഒരുപാട് മുൻ താരങ്ങൾ രംഗത്ത് എത്തുകയും ചെയ്യ്തു. ശ്രേയസിനെ പറ്റി മുൻ പാകിസ്ഥാൻ താരം ബാസിത് അലി സംസാരിച്ചു.
ബാസിത് അലി പറയുന്നത് ഇങ്ങനെ:
“ഇന്ത്യയുടെ ഭാവി ക്യാപ്റ്റനായി അദ്ദേഹത്തെ ആയിരുന്നു പലരും സങ്കല്പിച്ചിരുന്നത്. എന്നാൽ അതിന് ഇപ്പോൾ തീരുമാനം ആയി. ക്യാപ്റ്റൻസിയിൽ അദ്ദേഹം വളരെ മോശമാണ്. ബാറ്റിംഗ് ആണേൽ അതിലും മോശം. ഗ്രൗണ്ടിൽ അഗ്ഗ്രസിവ് ആയി കളിക്കുമ്പോൾ അദ്ദേഹത്തിന്റെ വിചാരം അയാൾ വിരാട് കോലി ആണെന്നാണ്. സൺഗ്ലാസ് വെച്ച് ഒരു ബാറ്റ്‌സ്മാനും ഇത് വരെ ബാറ്റിംഗിന് ഇറങ്ങിയിട്ടില്ല. അദ്ദേഹത്തിന്റെ അഹങ്കാരത്തിന് കിട്ടിയ മറുപടി ആണ് ആ മോശമായ പ്രകടനം” ബാസിത് അലി പറഞ്ഞു.
Read more
പരിശീലകനായ ഗൗതം ഗംഭീർ ഇത്തവണ ഇന്ത്യൻ ടീമിനെ സജ്ജമാകുന്നത് ദുലീപ് ട്രോഫിയുടെ അടിസ്ഥാനത്തിലാണ്. അങ്ങനെ ആണെങ്കിൽ നിലവിൽ ടീമിലെ സീനിയർ താരമായ ശ്രേയസ് ഐയ്യറിന് പ്രവേശനം കടുപ്പമാകും. വരും മത്സരങ്ങളിൽ അദ്ദേഹം മികച്ച പ്രകടനങ്ങൾ നടത്തുമെന്നാണ് ആരാധകർ പ്രതീക്ഷിക്കുന്നത്.
