വ്യാഴാഴ്ച (ജൂണ്‍ 20) ബാര്‍ബഡോസിലെ കെന്‍സിംഗ്ടണ്‍ ഓവലില്‍ നടന്ന ഇന്ത്യയും അഫ്ഗാനിസ്ഥാനും തമ്മിലുള്ള 2024 ടി 20 ലോകകപ്പ് സൂപ്പര്‍ 8 പോരാട്ടം വാശിയേറിയതായിരുന്നു. മത്സരത്തില്‍ സൂര്യകുമാര്‍ യാദവും റാഷിദ് ഖാനും അവരുടെ ടീമുകള്‍ക്കായി ഒന്നാം നമ്പര്‍ പ്രകടനം കാഴ്ചവെച്ചു.
നാല് ഓവറില്‍ 26 റണ്‍സ് മാത്രം വഴങ്ങി മൂന്ന് വിക്കറ്റ് വീഴ്ത്തിയ റാഷിദ് ഇന്ത്യന്‍ ബാറ്റര്‍മാരെ വലിഞ്ഞു മുറുക്കി. രോഹിത് ശര്‍മ്മ ടോസ് നേടി ആദ്യം ബാറ്റിംഗ് തിരഞ്ഞെടുത്തതിന് ശേഷം ഋഷഭ് പന്ത്, വിരാട് കോഹ്ലി, ശിവം ദുബെ എന്നിവരുടെ വലിയ വിക്കറ്റുകള്‍ റാഷിദിന് ലഭിച്ചു.
View this post on Instagram
എന്നാല്‍, സൂര്യകുമാര്‍ ക്ലാസ് കാണിച്ച് മത്സരം റാഷിദില്‍നിന്ന് തിരിച്ചുകൊണ്ടുപോയി. റാഷിദിനെതിരെ താന്‍ നേരിട്ട ആറ് പന്തില്‍ സ്‌കൈ രണ്ട് ബൗണ്ടറിയും ഒരു സിക്‌സും പറത്തി. അവയെല്ലാം കൃത്യമായി നിര്‍വ്വഹിച്ച സ്വീപ്പ് ഷോട്ടുകളിലൂടെയാണ് വന്നത്.
മത്സരത്തിന്റെ ഇടവേളയില്‍, സൂര്യകുമാറും റഷീദും ചില തമാശകളില്‍ ഏര്‍പ്പെട്ടു. ഇരുവരും നര്‍മ്മ ബോധത്തോടെ അല്‍പ്പനേരം സംസാരിക്കുന്നത് കാണാനായി. സംഭവത്തിന്റെ റീപ്ലേ കണ്ട രവി ശാസ്ത്രി കമന്റേറ്ററി ബോക്‌സില്‍ ‘എന്നെ സ്വീപ്പിംഗ് ചെയ്യുന്നത് നിര്‍ത്തൂ’ എന്നാവും റാഷിദ് പറഞ്ഞതെന്ന് പറഞ്ഞു.
Read more
