ഇന്ത്യ ഓസ്ട്രേലിയ ബോർഡർ ഗാവസ്‌കർ ട്രോഫി തുടങ്ങി മൂന്ന് മത്സരങ്ങൾ ആയി കഴിഞ്ഞിരിക്കുകയാണ്. ആദ്യ ടെസ്റ്റ് ഇന്ത്യയും രണ്ടാം ടെസ്റ്റ് ഓസ്‌ട്രേലിയയും ജയിച്ചതോടെ പരമ്പര അതിന്റെ ഏറ്റവും വലിയ ആവേശത്തിലേക്ക് തന്നെ നീങ്ങിയിരിക്കുന്നു എന്ന് പറയാം. ഓസ്‌ട്രേലിയയുടെ കാര്യം എടുത്താൽ ഹെഡും ഇന്ത്യയുടെ കാര്യം എടുത്താൽ ബുംറയും തന്നെയാണ് സ്റ്റാൻഡ് ഔട്ട് താരങ്ങൾ എന്ന് കണക്കുകൾ കാണിക്കുന്നു.
ഈ മൂന്ന് റെസ്റ്റുകളുമായി ഇരുടീമുകളുടെയും ഭാഗത്ത് നിന്ന് 11 അർദ്ധ സെഞ്ച്വറി പ്രകടനങ്ങൾ ആണ് ഉണ്ടായിരിക്കുന്നത്. ഇതിൽ തന്നെ ഹെഡും രാഹുലും ജയ്‌സ്വാളും കോഹ്‌ലിയും ഒകെ ലിസ്റ്റിൽ ഉൾപ്പെടുന്നുണ്ട്. എന്നാൽ പരമ്പരയിലെ തന്റെ ആദ്യ ടെസ്റ്റിന് ഇറങ്ങിയ ജഡേജ ഇവരെ എല്ലാവരെയും ഞെട്ടിച്ചിരിക്കുകയാണ്. മറ്റൊന്നും അല്ല തന്റെ കണ്ട്രോൾ റേറ്റ് കൊണ്ടാണ്.
ഒരു ഇന്നിംഗ്സ് എത്രത്തോളം കൺട്രോൾഡ് ആയിട്ട് കളിച്ചു എന്നതാണ് ഈ കൺട്രോൾഡ് റേറ്റ് കൊണ്ട് ഉദ്ദേശിക്കുന്നത്. ഇന്ന് മൂന്നാം ടെസ്റ്റിന്റെ ആദ്യ ഇന്നിങ്സിൽ അർദ്ധ സെഞ്ച്വറി പിന്നിട്ട് ബാറ്റ് ചെയ്യുന്ന ജഡേജയുടെ കൺട്രോൾ റേറ്റ് 90 % ആണ്. ഇരുടീമുകളുമായി ഇത്രയധികം അർദ്ധ സെഞ്ചുറിയും സെഞ്ചുറിയും പിറന്ന പരമ്പരയിൽ ജഡേജ ഏവരെയും മറികടന്നിരിക്കുകയാണ്.
പരമ്പരയിലെ ആദ്യ രണ്ട് മത്സരങ്ങളിലും കാത്തുകാത്തിരുന്ന താരം എന്തുകൊണ്ടാണ് താൻ ലോകത്തിലെ ഏറ്റവും മികച്ച ഓൾ റൗണ്ടർ എന്ന് കാണിക്കുന്ന രീതിയിലാണ് ഇന്നും ബാറ്റ് ചെയ്‌തത്‌. ഇതുവരെ ഇന്നിങ്സിൽ മുഴുവൻ നല്ല രീതിയിൽ സാഹചര്യം നോക്കി കളിച്ച താരം എതിരാളികൾക്ക് അവസരം നൽകാതെ കളിച്ചിരിക്കുകയാണ്.
എന്തായാലും ഈ താരത്തെ ഇന്ത്യ രണ്ടാം ടെസ്റ്റിൽ മിസ് ചെയ്തു എന്ന് ഉറപ്പാണ്.