ഇന്ത്യൻ ജേഴ്സി മാറ്റി ജഡേജക്ക് ചെന്നൈ സൂപ്പർ കിംഗ് ജേഴ്സി നൽകുക, അതിട്ടാൽ മാത്രമേ അയാൾക്ക് ഫിനിഷിംഗ് ടച്ച് വരൂ; സൂപ്പർ താരത്തിന് ട്രോളോട് ട്രോൾ

ചില അപകടങ്ങൾ സംഭവിക്കുന്നതിന് മുമ്പ് ചില സൂചനകൾ നമുക്ക് കിട്ടും, ആ സൂചന കാണുമ്പോൾ തന്നെ അത് ഒഴിവാക്കി കൂടുതൽ ശ്രദ്ധയോടെ മുന്നോട്ട് പോകാൻ നമുക്ക് പറ്റും. ഇനി അപകടം ഒന്നും വരില്ലെന്നേ, നമുക്ക് ഇതൊന്നും വിഷയമല്ല എന്ന മട്ടിൽ അതിനെ ശ്രദ്ധിക്കാതെ പോയാലോ- ചിലപ്പോൾ വലിയ പണി കിട്ടും. സൂചി കൊണ്ട് എടുക്കേണ്ടത് തൂമ്പ കൊണ്ട് എടുക്കേണ്ട അവസ്ഥ പോലെ. അത്തരത്തിൽ ഇപ്പോൾ പരിഹരിച്ചാൽ വലിയ കുഴപ്പം ഒന്നും ഇല്ലാതെ മുന്നോട്ട് പോകാൻ പറ്റുന്ന ഒരു പ്രശ്നം ഇന്ത്യക്കുണ്ട്. സംഭവം മറ്റൊന്നും അല്ല ഇന്ത്യൻ ഓൾ റൗണ്ടറുമാരായ ജഡേജയുടെയും അക്സറിന്റെയും ഫോം സംബന്ധിച്ചാണ്.

രവീന്ദ്ര ജഡേജ ലോകത്തിലെ ഏറ്റവും മികച്ച ഓൾ റൗണ്ടറുമാരുടെ പട്ടിക എടുത്താൽ അതിൽ മുന്നിൽ ഉള്ള പേരാണ്. ബാറ്റിംഗിലും ബോളിങ്ങിലും ഫീൽഡിങ്ങിലും എല്ലാം ജഡേജ മികച്ചവനാണ് എന്നത് ഈ കാലഘട്ടത്തിൽ നമുക്ക് മനസ്സിലായിട്ടുണ്ട്. എന്നാൽ കുറച്ചുകാലങ്ങളായി ജഡേജ ബോളിങ്ങിൽ മികവ് പുലർത്തുന്നുണ്ടെങ്കിലും ബാറ്റിംഗിൽ അത്ര മികവ് കാണിക്കുന്നില്ല. താരത്തിൽ നിന്ന് പ്രതീക്ഷിക്കുന്ന തരത്തിലുള്ള ഇമ്പാക്ട് ഇല്ലെന്ന് സാരം. അതെ സമയം യുവതാരം അക്‌സർ ആകട്ടെ ബാറ്റിംഗിൽ തിളങ്ങുന്നുണ്ടെങ്കിലും ബോളിങ്ങിൽ മോശം പ്രകടനമാണ് നടത്തുന്നതെന്ന് പറയാം.

ജഡേജയുടെ കാര്യം ശരിക്കും കഷ്ടമാണ്. താരം ബാറ്റിംഗിൽ കുറച്ചുകാലമായി ഒട്ടും ആത്മവിശ്വാസത്തിൽ അല്ല ക്രീസിൽ ഇറങ്ങുന്നത്. ക്രീസിൽ എത്തി വന്നയുടനെ മത്സരത്തിന്റെ അവസാന ഘട്ടത്തിൽ തകർത്തടിക്കുക എന്നതാണ് അയാളുടെ റോൾ. പക്ഷെ അയാൾക്ക് ഇപ്പോൾ അത് സാധിക്കുന്നില്ല. ഒരു ഓൾ റൗണ്ടർ എന്ന നിലയിൽ ഈ കാലയളവിൽ തിളങ്ങുന്നത് എന്നതിനെക്കാൾ ഉപരി ഒരു ബോളർ എന്ന നിലയിലാണ് താരം മുന്നേറിയിട്ടുണ്ട്. ചുരുക്കി പറഞ്ഞാൽ അയാൾ ഒരു ബോളർ എന്ന നിലയിൽ ചുരുങ്ങപെടുന്നു എന്നതാണ് യാഥാർഥ്യം.

ചെന്നൈ സൂപ്പർ കിങ്സിനെ ഈ വര്ഷം ഇന്ത്യൻ പ്രീമിയർ ലീഗ് കിരീടം നേടാൻ സഹായിച്ചത് താരത്തിന്റെ മികവ് ആയിരുന്നു. ആ മത്സരത്തിൽ ബൗണ്ടറിയിലൂടെ ചെന്നൈയെ കിരീടം നേടാൻ സഹായിച്ച ആ ബാറ്റിംഗ് മികവ് ഇന്ത്യൻ ജേഴ്സിയിൽ ആവർത്തിക്കപ്പെടണം. നിലവിലെ ബാറ്റിംഗ് ഫോമിൽ അത് അയാൾക്ക് പറ്റില്ല.

ഇന്നലെ നടന്ന മത്സരത്തിലേക്ക് ഒന്ന് നോക്കാം, ഓസ്‌ട്രേലിയക്ക് എതിരെ കൂറ്റൻ സ്കോർ പിന്തുടരുമ്പോൾ ആവശ്യമായ അടിത്തറ ഇന്ത്യക്ക് കിട്ടിയതാണ്. എന്നാൽ ആ മികച്ച അടിത്തറ കിട്ടിയിട്ടും അതുമുതലാക്കാൻ ഇന്ത്യക്ക് ആയില്ല. കോഹ്‌ലി, രോഹിത്, ശ്രേയസ്, തുടങ്ങിയവർ ഒഴിച്ച് ബാക്കി താരങ്ങൾ നിരാശപെടുത്തിയത് ഇന്ത്യയെ ചതിച്ചപ്പോൾ 35 റൺ എടുത്ത ജഡേജയുടെ ബാറ്റിംഗ് കണ്ട ഇന്ത്യൻ ആരാധകർ കലിപ്പിലായി. ഒട്ടും ടൈമിംഗ് ഇല്ലാതെ, ആത്മവിശ്വാസം ഇല്ലാതെ ക്രീസിൽ നിന്ന ജഡേജ പതറി. പലപ്പോഴും ഫിനിഷിങ് മികവിലൂടെ ടീമിനെ രക്ഷിച്ചിട്ടുള്ള ജഡേജയുടെ ബാറ്റിംഗ് മികവിന് എന്ത് പറ്റിയെന്നാണ് ആരാധകർ ചോദിക്കുന്നത്.

അതിനാൽ തന്നെ ബാറ്റിംഗിന് ഇറങ്ങുമ്പോൾ ചെന്നൈ ജേഴ്സിയിട്ട് താരത്തെ ഇറക്കുക എന്നതാണ് ട്രോളന്മാർ പറയുന്ന കാര്യം. ചെന്നൈ ജേഴ്സിയിൽ ആകുമ്പോൾ താരം കളിക്കുമെന്നും ആരാധകർ പറയുന്നു. ജഡേജ എത്രയും വേഗം ഫോമിൽ എത്തേണ്ടത് വളരെ അത്യാവശ്യം ആണെന്ന് പറയാതിരിക്കാൻ പറ്റില്ല. അയാളിൽ നിന്ന് മികച്ച പ്രകടനങ്ങൾ ടീം പ്രതീക്ഷിക്കുന്നു.

Latest Stories

'താൻ പിണറായിക്ക് എതിരല്ല, അങ്ങനെ ആക്കാൻ ശ്രമിക്കുന്നവർക്ക് നാലു മുത്തം കിട്ടുമെങ്കിൽ കിട്ടിക്കോട്ടേ'; ജി സുധാകരൻ

പാകിസ്ഥാനിലെ ട്രെയിൻ റാഞ്ചൽ; 214 ബന്ദികളെ കൊലപ്പെടുത്തിയെന്ന് ബലൂചിസ്താൻ ലിബറേഷൻ ആർമി

ക്ഷേത്രം ജീവനക്കാരന് നേരെ ആസിഡ് ആക്രമണം; സിസിടിവി ദൃശ്യങ്ങള്‍ കേന്ദ്രീകരിച്ച് അന്വേഷണം

'പോളി ടെക്നിക് കോളേജിലേത് എസ്എഫ്ഐ നേതൃത്വത്തിലുള്ള കഞ്ചാവ് കച്ചവടം'; വിമർശിച്ച് വി ഡി സതീശൻ

മറ്റൊരാളെ ചതിച്ചിട്ടല്ല ഞാന്‍ ശ്രീകുട്ടന്റെ ജീവിതത്തിലേക്ക് വന്നത്, ഞങ്ങള്‍ക്ക് ഒളിച്ചോടി പോകേണ്ട ആവശ്യമുണ്ടായിരുന്നില്ല: ലേഖ

ചൈന സ്വര്‍ണ ശേഖരം ഉയര്‍ത്തി; ട്രംപിന്റെ കലിപ്പ്; അന്ത്യമില്ലാത്ത യുദ്ധങ്ങള്‍; ഓഹരി തകര്‍ച്ച; ജനങ്ങള്‍ നിക്ഷേപമെറിഞ്ഞത് സ്വര്‍ണത്തില്‍; അന്താരാഷ്ട്ര വില 3,000 ഡോളര്‍ തൊട്ടു; ഇന്ത്യയില്‍ ഇനിയും കയറും

പോളിടെക്നിക്ക് ലഹരി കേസ്; കഞ്ചാവെത്തിച്ചത് മൂന്നാം വർഷ വിദ്യാർത്ഥിക്ക് വേണ്ടി? അന്വേഷണം

IPL 2025: അവന്മാർ ഇത്തവണ ശരിക്കും പെടും, ആ താരം ഇല്ലെങ്കിൽ അവർ എല്ലാവരോടും തോൽക്കും; ഐപിഎൽ ടീമിനെക്കുറിച്ച് ആകാശ് ചോപ്ര

IPL 2025: ഇന്ത്യക്ക് എന്താ കൊമ്പുണ്ടോ? അവന്മാർ ഞങ്ങളെ ഐപിഎലിൽ കളിപ്പിക്കില്ല അത് കൊണ്ട്.....: ഇൻസമാം ഉൾ ഹഖ്

പലസ്തീൻ അനുകൂല നിലപാടിന്റെ പേരിൽ കൊളംബിയ യൂണിവേഴ്സിറ്റിയിലെ അറസ്റ്റുകൾ; കോളേജ് കാമ്പസുകൾ നിശബ്ദതയിലേക്ക്