ടി20 ക്രിക്കറ്റിലെ തന്റെ ഇഷ്ടതാരങ്ങള്‍ ആരൊക്കെയെന്ന് പറഞ്ഞ് ദക്ഷിണാഫ്രിക്കന്‍ ഓള്‍റൗണ്ടര്‍ ക്രിസ് മോറിസ്. രാജസ്ഥാന്‍ നായകന്‍ സഞ്ജു സാംസണ്‍, മുംബൈ ഇന്ത്യന്‍സിന്റെ ഹര്‍ദിക് പാണ്ഡ്യ എന്നിവരെയാണ് തന്റെ ഇഷ്ടതാരങ്ങളായി മോറിസ് തിരഞ്ഞെടുത്തത്. ഇതില്‍ തന്നെ സഞ്ജുവിനാണ് മോറിസ് മുന്‍ഗണന നല്‍കുന്നത്.
“സഞ്ജു എന്റെ ഏറ്റവും ഇഷ്ടപ്പെട്ട ഒന്നാമത്തെ താരമാണ്. കാരണം ഏറെ നാളുകളായി അവനെ കാണുന്നു. ഇന്നത്തെ നിലയിലേക്ക് വ്യക്തിയെന്ന നിലയിലും താരമെന്ന നിലയിലും അവന്റെ വളര്‍ച്ച മനോഹരമാണ്. ഹര്‍ദിക് പാണ്ഡ്യയേയും വളരെ ഇഷ്ടമാണ്. നിര്‍ത്താതെ ആഘോഷം നല്‍കുന്നവനാണവന്‍” മോറിസ് പറഞ്ഞു.
രാജസ്ഥാന്‍ റോയല്‍ സഞ്ജുവിന്റെ സഹതാരമാണ് മോറിസ്. 16.25 കോടിയെന്ന റെക്കോഡ് തുകയ്ക്കാണ് താരത്തെ രാജസ്ഥാന്‍ ടീമിലെത്തിച്ചത്. എന്നാല്‍ ചില ഒറ്റപ്പെട്ട പ്രകടനങ്ങള്‍ മാറ്റിവെച്ചാല്‍ മോറിസിന് നിലവാരത്തിനൊത്ത് ഉയരാനായിട്ടില്ല.
എന്നാല്‍ ടീമിനായുള്ള മോറിസിന്റെ സേവനങ്ങളെ പ്രശംസിച്ചാണ് സഞ്ജു അടുത്തിടെ സംസാരിച്ചത്. ഹാര്‍ദ്ദിക് പാണ്ഡ്യയും ഈ സീസണില്‍ ഫോമിലേക്ക് ഉയര്‍ന്നിട്ടില്ല. സഞ്ജുവാകട്ടെ സ്ഥിരതയാര്‍ന്ന പ്രകടനം കാഴ്ചവെയ്ക്കുന്നില്ല.