Connect with us
https://southlive.in/wp-content/uploads/2018/08/728-x-90-pix.jpg

CRICKET

ഐപിഎല്‍ അത്ഭുത താരം ലോക ഇലവനില്‍

, 5:43 pm

ദുബൈ: ചുഴലികാറ്റില്‍ തകര്‍ന്ന വെസ്റ്റിന്‍ഡീസിലെ സ്‌റ്റേഡിയങ്ങള്‍ പുനര്‍ നിര്‍മ്മിക്കുന്നതിന് വേണ്ടി നടക്കുന്ന പ്രദര്‍ശന മത്സരത്തിലുള്ള ലോക ഇലവനില്‍ നേപ്പാളി സ്പിന്നര്‍ സന്ദീപ് ലമിച്ചാനേയെ ഉള്‍പ്പെടുത്തി. ലോക ഇലവനില്‍ നിന്ന് പിന്‍മാറിയ ബംഗ്ലാദേശ് ഓള്‍റൗണ്ടര്‍ ഷാക്കിബ് അല്‍ ഹസന് പകരമാണ് ലമിച്ചാനേ സ്ഥാനം പിടിച്ചത്.

മെയ് 31ന് ലോഡ്‌സിലാണ് ലോക ഇലവന്‍- വിന്‍ഡീസ് പോരാട്ടം.

ലോക ഇലവനില്‍ കളിക്കാന്‍ അവസരം ലഭിച്ചതില്‍ സന്തോഷമുണ്ടെന്നും നേപ്പാള്‍ ക്രിക്കറ്റിനുള്ള ആദരമാണിതെന്നും ലമിച്ചാനേ ഐസിസി വെബ്‌സൈറ്റിനോട് പറഞ്ഞു.

ചുഴലിക്കാറ്റില്‍ തകര്‍ന്ന കരീബിയന്‍ നാടുകളിലെ സ്റ്റേഡിയങ്ങള്‍ പുതുക്കിപണിയാനായി ഫണ്ട് കണ്ടെത്താനാണ് മത്സരം സംഘടിപ്പിച്ചിരിക്കുന്നത്. ഇന്ത്യയില്‍ നിന്നും രണ്ട് താരങ്ങളാണ് ലോകഇലവനില്‍ ഇടംപിടിച്ചത്. ഹാര്‍ദ്ദിക്ക് പാണ്ഡ്യ, ദിനേഷ് കാര്‍ത്തിക് എന്നിവരാണ് ഇന്ത്യയെ പ്രതിനിധീകരിച്ച് ലോകഇലവനില്‍ മാറ്റുരക്കുക.

ഐപിഎല്ലില്‍ ഡെല്‍ഹി ഡെയര്‍ഡെവിള്‍സിനായി കളിച്ചുകൊണ്ടിരിക്കുകയാണ് 17കാരനായ താരമിപ്പോള്‍. ഐപിഎല്ലില്‍ അരങ്ങേറ്റം കുറിച്ച ആദ്യ നേപ്പാള്‍ താരം കൂടിയാണ് ലമിച്ചാനേ. താരലേലത്തില്‍ 20 ലക്ഷം രൂപയ്ക്കാണ് സന്ദീപിനെ ഡല്‍ഹി സ്വന്തമാക്കിയത്. 2016ലെ അണ്ടര്‍ 19 ലോകകപ്പില്‍ നേപ്പാളിനായി ഏറ്റവും കൂടുതല്‍ വിക്കറ്റ് വീഴ്ത്തിയ താരമായിരുന്നു.

Advertisement