ഇന്ത്യൻ പ്രീമിയർ ലീഗിൽ 2024-25ലേക്കുള്ള മെഗാ താരലേലത്തിലെ ഒന്നാം ദിനം അവസാനിക്കുമ്പോൾ ടീമുകൾ എല്ലാവരും അവരുടെ പ്ലാനിന്റെ പകുതി ഭാഗം നടപ്പിലാക്കി കഴിഞ്ഞു. ബാക്കി പകുതി പ്ലാനുകൾ നടപ്പിലാക്കാൻ ഇന്ന് വീണ്ടും കൂടുമ്പോൾ ആദ്യ ദിനത്തിലെ സ്റ്റാർ ആയത് 27 ലോദി രൂപക്ക് ലക്നൗ സ്വന്തമാക്കിയ ഋഷഭ് പന്ത് തന്നെ ആയിരുന്നു. ഇന്ത്യൻ പ്രീമിയർ ലീഗ് ചരിത്രത്തിലെ ഏറ്റവും ചിലവേറിയ കളിക്കാരനുമായി ഇതോടെ താരം മാറി.
മലയാളികളുടെ അഭിമാനം രാജസ്ഥാനെ സംബന്ധിച്ച് ഒരുപാട് ചോദ്യങ്ങൾ ബാക്കി നിൽക്കുന്ന രീതിയിലാണ് ആദ്യ ദിനം അവസാനിച്ചത്. 5 താരങ്ങളെ പാളയത്തിൽ എത്തിച്ച അവർക്ക് ഇനിയും ഒരുപാട് പഴുതുകൾ അടക്കാൻ ഉണ്ട്. ബോൾട്ട്, അശ്വിൻ, ചഹാൽ, ബട്ട്ലർ തുടങ്ങിയ താരങ്ങൾ എല്ലാം ടീം വിട്ട സാഹചര്യത്തിൽ രാജസ്ഥാൻ ഇനി അവർക്കെല്ലാം ഉള്ള ബാക്കപ്പ് കണ്ടെത്താൻ ഉണ്ട്. ഇംഗ്ലണ്ട് താരം ജോഫ്ര ആർച്ചറെ 12.5 കോടിക്കാണ് ടീം പാളയത്തിൽ എത്തിച്ചത്
രണ്ട് മികച്ച സ്പിന്നര്മാര് ടീം വിട്ടപ്പോൾ പകരം മറ്റ് രണ്ട് വിദേശ സ്പിന്നര്മാരെ ഒപ്പം കൂട്ടിയാണ് ടീം ഞെട്ടിച്ചത്. ശ്രീലങ്കൻ സ്പിന്നർമാരായ വനിൻഡു ഹസരങ്കയേയും മഹേഷ് തീക്ഷണയേയും രാജസ്ഥാൻ പാളയത്തിൽ എത്തിച്ചു. അതിസാഹയം എന്ന് പറയട്ടെ, ഈ രണ്ട് താരങ്ങളും എല്ലാ കാലഘട്ടത്തിലും സഞ്ജുവിന് ഭീഷണി ആയി മാറിയ താരങ്ങളാണ്. നന്നായി സ്പിൻ കളിക്കുന്ന സഞ്ജുവിനെ ഹസരങ്ക 6 തവണ വീഴ്ത്തിയിട്ടുണ്ട്. സഞ്ജു റൺ കണ്ടെത്താൻ ബുദ്ധിമുട്ടിയ താരം കൂടിയാണ് ഹസരങ്ക. 40 റൺ മാത്രമേ താരത്തിന് നേടാൻ സാധിച്ചിട്ടുള്ളു.
Read more
മുൻ ചെന്നൈ സൂപ്പർ കിങ്‌സ് താരം തീക്ഷണയും സഞ്ജുവിന് ബുദ്ധിമുട്ടുകൾ സൃഷ്‌ടിച്ച താരമാണ്. എന്തായാലും ഇന്ന് രണ്ടാം ദിനത്തിൽ ടീം സെറ്റ് ആക്കാൻ ഉരച്ചാണ് ടീം വരുന്നത്.
