ഐസിസി ചാമ്പ്യൻസ് ട്രോഫിക്കുള്ള ഇന്ത്യൻ ടീമിനെ പ്രഖ്യാപിക്കാൻ ഒരാഴ്ചയിൽ താഴെ മാത്രം ആണ് ശേഷിക്കുന്നത്. ടീം കോമ്പിനേഷൻ ഇത് വരെ ശരിയാകാത്ത സാഹചര്യത്തിലാണ് തിരഞ്ഞെടുപ്പ് ഇത്രയും വൈകുന്നത്. ഈ വർഷം ഇന്ത്യ കളിച്ച ഏകദിന മത്സരങ്ങളുടെ എണ്ണം കുറവായതിനാൽ തന്നെ ഇന്ത്യക്ക് ഒരു ഏകദിന സംഘത്തെ കെട്ടിപ്പൊക്കുക പ്രയാസകരമായ ദൗത്യം ആണ്. വിക്കറ്റ് കീപ്പർ സ്ഥാനത്തേക്ക് ഉൾപ്പടെ വലിയ മത്സരമാണ് നടക്കുന്നത്.
കെഎൽ രാഹുലും ഋഷഭ് പന്തുമാണ് കീപ്പറുടെ റോളിലെ രണ്ട് പ്രധാന ഓപ്ഷനുകൾ. അതിൽ തന്നെ പന്താണ് സാധ്യത ലിസ്റ്റിൽ മുന്നിൽ എന്ന് കേൾക്കുന്നു. രാഹുലിന്റെ പേരും ലിസ്റ്റിൽ ഉണ്ട്. സഞ്ജുവും ജുറലും ഒകെ ഈ സ്ഥാനത്തേക്ക് തിരഞ്ഞെടുക്കപെടാൻ യോഗ്യൻ ആണെങ്കിലും ഇതിൽ സഞ്ജുവിന്റെ പേര് ബിസിസിഐ പരിഗണിക്കാത്തതിന്റെ കാരണം എന്താണ്?
റിപ്പോർട്ട് പ്രകാരം, ടി20യിൽ സാംസണാണ് ഏറ്റവും അനുയോജ്യൻ എന്ന് ബിസിസിഐക്ക് അറിയാം. ടി 20 യിൽ തൻ്റെ അവസാന 5 ഇന്നിംഗ്സുകളിൽ 3 T20I സെഞ്ചുറികൾ നേടിയതാണ് ഇതിന് പ്രധാനമായും കാരണം. അതിനാൽ തന്നെ സൂര്യകുമാറിനെ പോലെ ടി 20 പ്രോഡക്റ്റ് ആയി സഞ്ജുവിനെ കാണാൻ ബിസിസിഐ ആഗ്രഹിക്കുന്നു.
2024-25 വിജയ് ഹസാരെ ട്രോഫി സഞ്ജു സാംസൺ കളിക്കുന്നില്ല. ടൂർണമെൻ്റ് ആരംഭിക്കുന്നതിന് തൊട്ടുമുമ്പ് കേരളത്തിൻ്റെ പ്രിപ്പറേറ്ററി ക്യാമ്പിൽ നിന്ന് വിട്ടുനിന്നതിനാൽ അദ്ദേഹത്തെ കേരള സ്ക്വാഡ് തിരഞ്ഞെടുത്തില്ല. IND vs ENG T20I പരമ്പരയിൽ സഞ്ജുവിന് ഇടം കിട്ടിയിട്ടുണ്ട്. പക്ഷെ അതെ സഞ്ജു ഏകദിന ടീമിൽ ഇടം കണ്ടെത്തിയേക്കില്ല,
മറുവശത്ത്, ധ്രുവ് ജൂറൽ ചാമ്പ്യൻസ് ട്രോഫി ടീമിൻ്റെ ഭാഗമാകും എന്നാണ് വിലയിരുത്തൽ. ലോങ്ങ് ഇന്നിങ്‌സുകൾ കളിക്കാനുള്ള താരത്തിന്റെ കഴിവ് കൊണ്ടാണ് ഇത്.