സഞ്ജു സാംസണ്‍ അകത്ത്, സ്റ്റാര്‍ ഓള്‍റൗണ്ടര്‍ പുറത്ത്?, രണ്ടാം ടി20യ്ക്കുള്ള ഇന്ത്യയുടെ പ്ലെയിംഗ് ഇലവന്‍

ജൂലൈ 28 ഞായറാഴ്ച പല്ലേക്കലെ ഇന്റര്‍നാഷണല്‍ സ്റ്റേഡിയത്തില്‍ നടക്കുന്ന രണ്ടാം ടി20യില്‍ ഇന്ത്യ ശ്രീലങ്കയെ നേരിടും. ശനിയാഴ്ച നടന്ന ആദ്യ മത്സരത്തില്‍ ജയിച്ച ഇന്ത്യ മൂന്ന് മത്സരങ്ങളുടെ പരമ്പരയില്‍ ഇന്ത്യ 1-0 ന് മുന്നിലാണ്. രണ്ടാം മത്സരത്തില്‍ തന്നെ പരമ്പര സ്വന്തമാക്കാന്‍ ഇന്ത്യക്ക് ഒരു വിജയം ആവശ്യമാണ്.

ആദ്യ ടി20യില്‍ പ്രവചനാതീതമായ പ്ലെയിംഗ് ഇലവനുമായി ഇറങ്ങിയ ഇന്ത്യ, സഞ്ജു സാംസണെ ഒഴിവാക്കിയത് അദ്ദേഹത്തിന്റെ ആരാധകര്‍ക്ക് നന്നായി പോയില്ല. സാംസണെ ഏകദിന ടീമില്‍ നിന്ന് ഒഴിവാക്കിയെങ്കിലും ടി20യില്‍ നിലനിര്‍ത്തി. ഗൗതം ഗംഭീര്‍ സാംസണെ എത്രത്തോളം റേറ്റുചെയ്യുന്നുവെന്ന് കണക്കിലെടുക്കുമ്പോള്‍, അദ്ദേഹം ടി20 ടീമിലെ ഒരു പ്രധാന വ്യക്തിയായിരിക്കുമെന്ന് പ്രതീക്ഷിച്ചിരുന്നു. എന്നിരുന്നാലും, ആദ്യ ഇലവനില്‍ ഇടം കണ്ടെത്തുന്നതില്‍ സാംസണ്‍ പരാജയപ്പെട്ടു.

സഞ്ജു സാംസണും റിയാന്‍ പരാഗും തമ്മിലുള്ള നേരിട്ടുള്ള ഏറ്റുമുട്ടലില്‍ പരാഗിനായിരുന്നു ആദ്യ മത്സരത്തില്‍ ഇലവനില്‍ സ്ഥാനം. കുറച്ച് ഓവറുകളില്‍ ബോള്‍ ചെയ്യാനുള്ള കഴിവ് കാരണം ഗംഭീര്‍ പരാഗിനെ തിരഞ്ഞെടുത്തു. മത്സരത്തില്‍ പരാഗ് ബാറ്റിംഗില്‍ വലിയ സ്വാധീനം ചെലുത്തിയില്ലെങ്കിലും താരം മൂന്ന് വിക്കറ്റ് വീഴ്ത്തി. അതിനാല്‍ രണ്ടാം ടി20യില്‍ അദ്ദേഹത്തെ ഒഴിവാക്കുന്നത് ഇപ്പോള്‍ മിക്കവാറും അസാധ്യമാണെന്ന് തോന്നുന്നു.

നിര്‍ഭാഗ്യവശാല്‍, നിലവില്‍ ടി20 ഇലവനില്‍ സഞ്ജുവിന് ഒരു സ്ഥാനമുണ്ടെന്ന് തോന്നുന്നില്ല. ഇന്ത്യ പരമ്പര വിജയിച്ചാല്‍ മാത്രമേ ക്യാപ്റ്റനും പരിശീലകനും ഒരു കളിക്കാരന് വിശ്രമം നല്‍കി സഞ്ജുവിന് അവസരം നല്‍കാനാകൂ. അതിനാല്‍ ഇന്ത്യ രണ്ടാം ടി20യില്‍ മാറ്റമില്ലാത്ത പ്ലെയിംഗ് ഇലവനെ കളിക്കാന്‍ സാധ്യതയുണ്ട്.

ഇന്ത്യ സാധ്യത ഇലവന്‍: ശുഭ്മാന്‍ ഗില്‍, യശസ്വി ജയ്സ്വാള്‍, സൂര്യകുമാര്‍ യാദവ് (c), ഋഷഭ് പന്ത് (WK), റിയാന്‍ പരാഗ്, ഹാര്‍ദിക് പാണ്ഡ്യ, റിങ്കു സിംഗ്, അക്‌സര്‍ പട്ടേല്‍, രവി ബിഷ്ണോയ്, അര്‍ഷ്ദീപ് സിംഗ്, മുഹമ്മദ് സിറാജ്.