സഞ്ജു സാംസണിന് അന്താരാഷ്ട്ര ക്രിക്കറ്റില്‍ എങ്ങനെ സ്ഥിരതയാര്‍ന്ന പ്രകടനം കാഴ്ചവെക്കണമെന്ന് ഇപ്പോഴും അറിയില്ല. ഇന്നിംഗ്സിന്റെ ആദ്യ പന്ത് മുതല്‍ ആക്രമണോത്സുകമായ ഷോട്ടുകള്‍ കളിക്കുന്ന ശീലമാണ് അദ്ദേഹത്തിന്റെ പതനത്തിന് പിന്നില്‍. ടി20യില്‍ രണ്ട് ബാക്ക്-ടു ബാക്ക് സെഞ്ച്വറികള്‍ നേടിയതിന് ശേഷം, ദക്ഷിണാഫ്രിക്കയ്ക്കെതിരായ നാല് മത്സരങ്ങളുടെ പരമ്പരയില്‍ തുടര്‍ച്ചയായി രണ്ട് ഡക്കുകള്‍ അദ്ദേഹം രേഖപ്പെടുത്തി.
ഡര്‍ബനില്‍ നടന്ന പരമ്പരയിലെ ഓപ്പണറില്‍ സഞ്ജു 107 റണ്‍സ് നേടിയപ്പോള്‍ ഇന്ത്യ മത്സരത്തില്‍ 61 റണ്‍സിന് വിജയിച്ചു. രണ്ടാം ഗെയിമില്‍, മൂന്ന് പന്തുകള്‍ നേരിട്ട അദ്ദേഹം അക്കൗണ്ട് തുറക്കുന്നതില്‍ പരാജയപ്പെട്ടു. മാര്‍ക്കോ ജാന്‍സന്‍ താരത്തെ ക്ലീന്‍ അപ്പ് ചെയ്തു. മൂന്നാം ഏറ്റുമുട്ടലില്‍ തുടര്‍ച്ചയായി രണ്ടാം തവണയും സാംസണ്‍ ജാന്‍സണോട് പരാജയപ്പെട്ടു. രണ്ട് പന്തുകള്‍ നേരിട്ടതിന് ശേഷം വീണ്ടിം ഡക്ക്.
ടി20 ഫോര്‍മാറ്റിലെ താരത്തിന്റെ ആറാമത്തെ ഡക്കായിരുന്നു ഇത്. വിരാട് കോഹ്ലിയുടെ നാണംകെട്ട നമ്പറുകള്‍ക്ക് തുല്യമാകാന്‍ അദ്ദേഹം ഒരു ഡക്ക് മാത്രം അകലെയാണ്.
ടി20യില്‍ ഇന്ത്യക്കായി ഏറ്റവും കൂടുതല്‍ ഡക്കുകള്‍ (ഇന്നിംഗ്‌സ്)
രോഹിത് ശര്‍മ്മ 12 (151)
വിരാട് കോഹ്‌ലി 7 (117)
സഞ്ജു സാംസണ്‍ 6 (32)
കെ എല്‍ രാഹുല്‍ 5 (68)