എം.എസ് ധോണിയുടെ ഫുട്ബോളിനോടുള്ള സ്നേഹം എല്ലാവർക്കും അറിയാവുന്നതാണ് . ക്രിക്കറ്റിൽ എത്തുന്നതിന് മുമ്പ് ഗോൾ കീപ്പർ ആയിട്ടാണ് ധോണി സ്പോർട്സ് കരിയർ ആരംഭിച്ചത്. വിരാട് കോഹ്‌ലി ഫൗണ്ടേഷന്റെ നേത്യത്വത്തിൽ സിനിമ താരങ്ങളും ക്രിക്കറ്റ് താരങ്ങളും നടന്ന ഫുട്ബോൾ മത്സരത്തിലെ ധോണി നേടിയ തകർപ്പൻ ഗോളുകൾ ആരാധകർ മറിക്കില്ല. എന്നാൽ എല്ലാ പരിശീലകർക്കും ഇത് ഇഷ്ടപെടണം എന്നില്ല. ഇപ്പോഴിതാ ധോണിയുടെ അമിത ഫുട്ബോൾ സ്നേഹം കളി കാരണം അദ്ദേഹത്തെ വഴക്ക് പറയേണ്ടി വന്നിട്ടുണ്ടെന്നും ജീവിതത്തിൽ അത്രയും ഉച്ചത്തിൽ ആരോടും സംസാരിച്ചിട്ടില്ല എന്നും തുറന്ന് പറയുകയാണ് രവി ശാസ്ത്രി .
“അന്ന് പാക്കിസ്ഥാനുമായി ഒരു നിർണായക മത്സരത്തിന് ഞങ്ങൾ കളിക്കാനിറങ്ങുന്നു. എഷ്യ കപ്പ് സമയമായിരുന്നു അത്. ടോസിന് വെറും 5 മിനിറ്റ് ബാക്കിയുള്ളപ്പോൾ ഫുട്ബോൾ കളിക്കുന്ന ധോണിയെ കണ്ട് എനിക്ക് ദേഷ്യം വന്നു. മഞ്ഞ് വീഴ്ച്ചയുള്ളതനിനാൽ അത് അപകടരമായിരുന്നു. അയാളെ പോലെ എറ്റവും പ്രധാന താരത്തിന് പരിക്കേറ്റാൽ അതും ഫുട്ബോൾ കളിച്ചിട്ട് , എനിക്ക് സഹിക്കാവുന്നതിലും അപ്പുറമായിരുന്നു. അതുകൊണ്ട് ഞാൻ ധോണിയോട് ദേഷ്യപ്പെട്ടു. ഫുട്ബോൾ മാറ്റാൻ ആവശ്യപ്പെട്ടു. അദ്ദേഹം അനുസരിച്ചു. അതിൽ പിന്നെ അങ്ങനെ ഉണ്ടായിട്ടില്ല.
ധോണിയെ ഏറെ ബഹുമാനിക്കുന്ന ആളാണ് ശാസ്ത്രി. താരത്തിന്റെ കൂൾ രീതികളെ പലപ്പോഴും പ്രശംസിക്കുകയും ചെയ്തിട്ടുണ്ട്.
എന്നാൽ ഇന്നലത്തെ മത്സരം കൂടി തോറ്റതോടെ ധോണിയുടെ ടീമിന് ഈ സീസൺ അത്ര കൂൾ അല്ലെന്നാണ് വിലയരുത്തപെടുന്നത്.