പാക് സൂപ്പര്‍ താരം ഷൊയ്ബ് മാലിക് സാനിയ മിര്‍സയക്ക് ശേഷം പാക് നടി സന ജാവേദിനെ വിവാഹം ചെയ്തു. താരത്തിന്റെ ഈ നീക്കത്തില്‍ ആരാധകര്‍ അസ്വസ്ഥരായപ്പോള്‍, മാലിക്കിന്റെ പുതിയ ഇന്നിംഗ്സിനോട് അദ്ദേഹത്തിന്റെ മുന്‍ സഹതാരം വെറ്ററന്‍ വിക്കറ്റ് കീപ്പര്‍ കമ്രാന്‍ അക്മല്‍ പ്രതികരിച്ചു. വെറ്ററന്‍ വിക്കറ്റ് കീപ്പര്‍ നവ ദമ്പതികള്‍ക്ക് ആശംസകള്‍ നേര്‍ന്നു. മാലിക്കിന്റെ എക്‌സിലെ പോസ്റ്റ് പങ്കുവെച്ചാണ് കമ്രാന്‍ അഭിനന്ദനങ്ങള്‍ അറിയിച്ചത്.
ആയിഷ സിദ്ദിഖിയായിരുന്നു മാലിക്കിന്റെ ആദ്യ ഭാര്യ. പിന്നീട് പ്രശസ്ത ഇന്ത്യന്‍ ടെന്നീസ് താരം സാനിയ മിര്‍സയെ മാലിക് വിവാഹം കഴിച്ചിരുന്നു. ഇരുവരും തമ്മില്‍ വേര്‍പിരിയുകയാണെന്ന അഭ്യൂഹങ്ങള്‍ക്കിടെയാണ് മാലിക് വീണ്ടും വിവാഹിതനായത്.
Congratulations https://t.co/qi1k6qjsyM
— Kamran Akmal (@KamiAkmal23) January 20, 2024
2010ല്‍ ഹൈദരാബാദിലായിരുന്നു മാലിക്ക്-സാനിയ വിവാഹം. 2018-ല്‍ ഇരുവര്‍ക്കും ഒരു മകന്‍ ജനിച്ചു. തുടര്‍ന്ന് 2022-ലാണ് ഇരുവരും തമ്മില്‍ അസ്വാരസ്യങ്ങളുണ്ടെന്നും വിവാഹമോചനത്തിന്റെ വക്കിലാണെന്നുമുള്ള അഭ്യൂഹങ്ങള്‍ പരന്നത്. എന്നാല്‍, ഇക്കാര്യം ഇരുവരും നിഷേധിച്ചിരുന്നു.
Read more
1993 ജൂണ്‍ 6 ന് ജനിച്ച സന ജാവേദ് ഉര്‍ദു ടെലിവിഷനിലെ സംഭാവനകള്‍ക്ക് അംഗീകാരം ലഭിച്ച ഒരു പ്രശസ്ത പാകിസ്ഥാന്‍ നടിയാണ്. 2012-ല്‍ ‘ഷെഹര്‍-ഇ-സാത്ത്’ എന്ന ഷോയിലൂടെ അഭിനയ ജീവിതം ആരംഭിച്ച അവര്‍ പിന്നീട് നിരവധി സീരിയലുകളില്‍ പ്രത്യക്ഷപ്പെട്ടു. ‘ഖാനി’ എന്ന റൊമാന്റിക് നാടകത്തിലെ പ്രധാന കഥാപാത്രത്തെ അവതരിപ്പിച്ചുകൊണ്ട് സന പ്രശസ്തിയിലേക്ക് ഉയര്‍ന്നു, ഇത് അവര്‍ക്ക് ലക്‌സ് സ്‌റ്റൈല്‍ അവാര്‍ഡ് നോമിനേഷന്‍ നേടിക്കൊടുത്തു.
