6,6,6,6.. 31 പന്തില്‍ അവസാന 100, അമ്പരപ്പിച്ച രോഹിത്ത് ഷോ ഇങ്ങനെ

ധര്‍മ്മശാലയില്‍ ഇന്ത്യന്‍ ബാറ്റ്‌സ്മാന്‍മാരെ നാണംകെടുത്തിയ ശ്രീലങ്കന്‍ ബൗളര്‍മാര്‍ മൊഹാലിയില്‍ ടീം ഇന്ത്യ കാത്തുവെച്ച ശിക്ഷ ഇത്ര കടുത്തതാണെന്ന് കരുതിക്കാണില്ല. രോഹിത്ത് ശര്‍മ്മ അക്ഷരാര്‍ത്ഥത്തില്‍ നിറഞ്ഞാടിയപ്പോള്‍ ലങ്കന്‍ ബൗളര്‍മാര്‍ നിരന്ന് തല്ലുവാങ്ങുകയായിരുന്നു.

153 പന്തില്‍ 13 ഫോറും 12 സിക്‌സും സഹിതമാണ് രോഹിത്തിന്റെ കൊടുങ്കാറ്റ് ഉയര്‍ത്തിയ ഇന്നിംഗ്‌സ്. മത്സരത്തിന്റെ 43ാം ഓവറില്‍ ലങ്കന്‍ ബൗളര്‍ ലക്മലിനെ രോഹിത്ത് നിര്‍ദാക്ഷിണ്യമാണ് ശിക്ഷിച്ചത്. നാല് സിക്‌സുകളാണ് രോഹിത്ത് ആ ഓവറില്‍ അടിച്ച് സ്വന്തമാക്കിയത്. ആ കാഴ്ച്ച കാണാം

115 പന്തിലാണ് രോഹിത്ത് അദ്യ 100റിലെത്തിയത്. പിന്നീട് വെറും 31 പന്തിലായിരുന്നു രോഹിത്ത് 200ല്‍ എത്തിയത്. അവസാന 108 റണ്‍സെടുത്തത് വെറും 38 പന്തിലായിരുന്നു. 135.94 ആയിരുന്നു രോഹിത്തിന്റെ സ്‌ട്രൈക്ക് റൈറ്റ്.

രോഹിത്തിനെ കൂടാതെ ശിഖര്‍ ധവാനും ശ്രേയസ് അയ്യരും അര്‍ധ സെഞ്ച്വറി നേടി. ധവാന്‍ 68ഉം ശ്രേയസ് 88ഉം റണ്‍സാണ് സ്വന്തമാക്കിയത്.