2022 ലെ ടി20 ലോകകപ്പിൽ നിന്ന് ശനിയാഴ്ച ശ്രീലങ്ക പുറത്തായതിന് പിന്നാലെ ശ്രീലങ്കയുടെ ധനുഷ്ക ഗുണതിലക പുതിയ പണി മേടിച്ചു. താരത്തിന് നേർക്ക്, ലൈംഗികാതിക്രമം ആരോപിച്ചു, ഞായറാഴ്ച രാവിലെ സിഡ്‌നി പോലീസ് അറസ്റ്റ് ചെയ്തതായി റിപ്പോർട്ടുണ്ട്.
ഒന്നാം റൗണ്ടിൽ ഹാംസ്ട്രിംഗിന് പരിക്കേറ്റ ഗുണതിലക ടി20 ലോകകപ്പിൽ നിന്ന് പുറത്തായി, പകരം അഷെൻ ബണ്ടാരയെ ലങ്ക ടീമിൽ ഉൾപ്പെടുത്തി. പക്ഷേ ശ്രീലങ്ക അദ്ദേഹത്തെ ഓസ്‌ട്രേലിയയിൽ തുടരാൻ അനുവദിക്കുക ആയിരുന്നു . പിടിഐ റിപ്പോർട്ട് അനുസരിച്ച്, നിയമനടപടി നേരിടുന്നതിനാൽ താരത്തെ ഓസ്‌ട്രേലിയയിൽ തന്നെ തങ്ങാൻ അനുവദിച്ചിട്ട് ശ്രീലങ്ക ടീം നാടയിലേക്ക് മടങ്ങുക ആയിരുന്നു.
ഞായറാഴ്ച രാവിലെ ശ്രീലങ്കൻ ടീം ഹോട്ടലിൽ നിന്നാണ് ഗുണതിലകയെ അറസ്റ്റ് ചെയ്തതെന്ന് ESPN Cricinfo റിപ്പോർട്ട് ചെയ്യുന്നു. ന്യൂ സൗത്ത് വെയിൽസ് പോലീസ് പ്രസ്താവന പ്രകാരം, ഈ ആഴ്ച ആദ്യം റോസ് ബേയിലെ ഒരു വസതിയിൽ 29 കാരിയായ ഒരു സ്ത്രീ ലൈംഗികമായി പീഡിപ്പിക്കപ്പെട്ടു.
അന്വേഷണത്തിൽ ഓൺലൈൻ ഡേറ്റിങ് ആപ്പിലൂടെ പരിചയപ്പെട്ട പെണ്കുട്ടിയെയായാണ് താരം ഉപദ്രവിച്ചത്.