ഒക്ടോബറില്‍ നടക്കുന്ന ടി20 ലോക കപ്പിലേക്കുള്ള ഇന്ത്യയുടെ ടോപ് ത്രീയെ തിരഞ്ഞെടുത്ത് മുന്‍ ഓപ്പണര്‍ ഗൗതം ഗംഭീര്‍. പൊതുവേ ഉയര്‍ന്നു കേള്‍ക്കുന്ന രോഹിത് ശര്‍മ, കെഎല്‍ രാഹുല്‍, വിരാട് കോഹ്‌ലി എന്നീ ത്രയസമവാക്യത്തെ പൊളിച്ചെഴുതിയാണ് ഗംഭീറിന്റെ തിരഞ്ഞെടുപ്പ്.
ഓപ്പണര്‍മാരായി നായകന്‍ രോഹിത് ശര്‍മക്കൊപ്പം ഇഷാന് കിഷനെയാണ് ഗംഭീര്‍ തിരഞ്ഞെടുത്തത്. കോഹ് ലിയുടെ മൂന്നാം നമ്പരില്‍ ഗംഭീര്‍ സൂര്യകുമാര്‍ യാദവിനെയാണ് പരിഗണിച്ചത്. സ്റ്റാര്‍ സ്പോര്‍ട്സില്‍ സംസാരിക്കവെയാണ് ഗംഭീര്‍ ഇത്തരമൊരു തിരഞ്ഞെടുപ്പ് നടത്തിയത്.
എന്നാല്‍ ഗംഭീറിന്റെ തിരഞ്ഞെടുപ്പു പോലെ ഇന്ത്യ രാഹുലിനെ പുറത്തിരുത്തി ഇറങ്ങുമെന്ന് കരുതുന്നില്ല. കാരണം, ടി20 ഫോര്‍മാറ്റില്‍ മികച്ച റെക്കോഡുള്ള താരങ്ങളിലൊരാളാണ് രാഹുല്‍. ഇന്ത്യക്കായി ഓപ്പണറായി ഇറങ്ങി പല തവണ അദ്ദേഹം മികച്ച പ്രകടനം കാഴ്ചവെച്ചിട്ടുണ്ട്.
അതോടൊപ്പം അത്രമികച്ച ഫോമിലല്ലെങ്കിലും കോഹ്‌ലിയെ പോലുള്ള ഒരു താരത്തെ ലോക കപ്പ് പോലുള്ള വലിയ വേദിയില്‍ ഇന്ത്യ മാറ്റിനിര്‍ത്തുന്നത് സാഹസമാകും. അതിന് പുറമേ ഏറെ വിമര്‍ശനങ്ങളും ബിസിസിഐയ്ക്ക് നേരിടേണ്ടിവരും.
Read more
ടി20 ലോക കപ്പ് ടീമില്‍ ഇഷാനും സൂര്യകുമാറും സ്ഥാനം പിടിക്കുമെന്ന് ഏറെക്കുറെ ഉറപ്പാണ്. ഇതില്‍ തന്നെ സൂര്യകുമാര്‍ യാദവ് പ്ലെയിംഗ് ഇലവനിലുണ്ടാകുമെന്നും ഏറെക്കുറെ അനുമാനിക്കാം. എന്നാല്‍ ഇഷാന് പകരക്കാരനായെ അവസരം ലഭിച്ചേക്കൂ.
