ജൂണ്‍ 1 മുതല്‍ യുണൈറ്റഡ് സ്റ്റേറ്റ്‌സ് ഓഫ് അമേരിക്കയിലും (യുഎസ്എ) വെസ്റ്റ് ഇന്‍ഡീസിലുമായി നടക്കാനിരിക്കുന്ന 2024 ടി20 ലോകകപ്പിന്റെ ഫൈനലിലെ ഫൈനലിസ്റ്റികളെ പ്രവചിച്ച് വിഖ്യാത വെസ്റ്റ് ഇന്‍ഡീസ് ക്രിക്കറ്റ് ഐക്കണ്‍ ബ്രയാന്‍ ലാറ. ഇന്ത്യയും തന്റെ രാജ്യമായ വെസ്റ്റ് ഇന്‍ഡീസും തമ്മിലായിരിക്കും ഇത്തവണത്തെ കലാശപ്പോരാട്ടമെന്നാണ് ലാറയുടെ പ്രവചനം. ഇതില്‍ ആരാവും വിജയിക്കുകയെന്നും അദ്ദേഹം പ്രവചിച്ചു.
വെസ്റ്റ് ഇന്‍ഡീസ് ഈ ലോകകപ്പില്‍ നന്നായി പെര്‍ഫോം ചെയ്യണം. ഒരുപാട് വ്യക്തിത സ്റ്റാറുകള്‍ അവര്‍ക്കുണ്ട്. അവരെല്ലാം ഒരു ടീമായി ഒന്നിച്ചു വരികയാണെങ്കില്‍ നല്ല പ്രകടനം പുറത്തെടുക്കും. സെലക്ഷനുമായി ബന്ധപ്പെട്ട് ഒരുപാട് ചര്‍ച്ചകളുണ്ടായെങ്കിലും ഇന്ത്യ ലോകകപ്പിലെ ടോപ്പ് ഫോറുകളിലൊന്നായിരിക്കും. ഇന്ത്യ-വിന്‍ഡീസ് ഫൈനല്‍ സംഭവിക്കുകയാണെങ്കില്‍ അതു മുന്‍കാലത്തെ തെറ്റുകള്‍ പരിഹരിക്കാന്‍ സഹായിക്കും.
2007ല്‍ ഇന്ത്യയെ രണ്ടാം റൗണ്ടില്‍ മിസ്സ് ചെയ്തു. അതു കരീബിയയിലുള്ള ഞങ്ങളെ വധിക്കുന്നതിനു തുല്യമായിരുന്നു. വീണ്ടും അതു സംഭവിക്കാന്‍ ഞങ്ങള്‍ ആഗ്രഹിക്കുന്നില്ല. അതുകൊണ്ടു തന്നെ ഇത്തവണ ഫൈനലില്‍ ഇന്ത്യയും വെസ്റ്റ് ഇന്‍ഡീസും നേര്‍ക്കുനേര്‍ വരണം. മികച്ച ടീം ആരാണോ അവര്‍ വിജയിക്കുകയും ചെയ്യട്ടെ- ലാറ വ്യക്തമാക്കി.
തന്റെ പ്രവചനങ്ങള്‍ വിശദീകരിച്ചുകൊണ്ട്, ഇംഗ്ലണ്ട് വെസ്റ്റ് ഇന്‍ഡീസ് അന്തരീക്ഷത്തില്‍ മികച്ച പ്രകടനം കാഴ്ചവെച്ചേക്കാമെന്നും അഫ്ഗാനിസ്ഥാനൊപ്പം അവസാന നാലില്‍ ഇടം നേടിയേക്കാമെന്നും ലാറ അഭിപ്രായപ്പെട്ടു, ടൂര്‍ണമെന്റിലേക്ക് ആഴത്തില്‍ മുന്നേറാനുള്ള കഴിവുണ്ടെന്ന് അദ്ദേഹം വിശ്വസിക്കുന്ന ഒരു ടീമാണ് അഫ്ഗാനിസ്ഥാന്‍.