നടന്നുകൊണ്ടിരിക്കുന്ന ലോകകപ്പില്‍ ഇന്ത്യന്‍ ബോളര്‍മാര്‍ മികച്ച പ്രകടനമാണ് കാഴ്ചവെച്ചത്. ഇന്ത്യയുടെ അപരാജിത റണ്ണിന് പിന്നിലെ പ്രധാന കാരണവും അവര്‍ തന്നെയാണ്. അതില്‍ത്തന്നെ ഇന്ത്യയുടെ വിജയത്തില്‍ ജസ്പ്രീത് ബുംറയുടെ പങ്ക് എടുത്തുപറയേണ്ടതാണ്. താരത്തിന്റെ പരിചയ സമ്പന്നതയും ദീര്‍ഘവീഷണവും യു പേസര്‍മാര്‍ക്കും പ്രചോദനമാണ്. എന്നാല്‍ ബുംറയ്ക്ക് ഒറ്റയ്ക്ക് ഇന്ത്യക്ക് വേണ്ടി മത്സരങ്ങള്‍ ജയിക്കാനാകില്ലെന്ന് മുന്‍ താരം നവജ്യോത് സിംഗ് സിദ്ദു പറഞ്ഞു.
യുണൈറ്റഡ് സ്റ്റേറ്റ്സ് ഓഫ് അമേരിക്കയ്ക്കെതിരായി ഇന്നലെ നടന്ന മത്സരത്തിന്റെ പശ്ചാത്തലത്തിലാണ് സിദ്ദുവിന്റെ വിലയിരുത്തല്‍. തന്റെ നാലോവറില്‍ നിന്ന് 25 റണ്‍സ് മാത്രം വഴങ്ങിയെങ്കിലും ബുംറയ്ക്ക് വിക്കറ്റൊന്നും ലഭിച്ചില്ല. നാല് വിക്കറ്റ് വീഴ്ത്തിയ അര്‍ഷ്ദീപ് സിംഗ് നാല് വിക്കറ്റ് വീഴ്ത്തി ടീമിന്റെ ഏഴ് ഏഴ് വിക്കറ്റ് വിജയത്തില്‍ പ്രധാന പങ്കുവഹിച്ചു.
നവ്ജ്യോത് സിംഗ് സിദ്ദു, ബുംറയുടെ മികച്ച റണ്ണിന് അര്‍ഷ്ദീപിന്റെ ബൗളിംഗിനെ ക്രെഡിറ്റ് ചെയ്തു. സിംഗ് സൃഷ്ടിച്ച സമ്മര്‍ദ്ദം ജസ്പ്രീതിനെ കൂടുതല്‍ അപകടകാരിയാക്കാന്‍ അനുവദിച്ചതായി അദ്ദേഹം കരുതുന്നു.
ഇന്ത്യന്‍ ബോളര്‍മാര്‍ ഒരു യൂണിറ്റായി പ്രവര്‍ത്തിച്ചിട്ടുണ്ട്. അര്‍ഷ്ദീപ് ടീമിന് മികച്ച തുടക്കമാണ് നല്‍കിയത്. ഇത് എതിരാളികളെ കൂടുതല്‍ സമ്മര്‍ദ്ദത്തിലാക്കാന്‍ ബുംറയെ അനുവദിച്ചു. അദ്ദേഹത്തിന് ഒറ്റയ്ക്ക് ഇന്ത്യക്ക് വേണ്ടി മത്സരങ്ങള്‍ ജയിക്കാനാവില്ല. അവന് മറുവശത്ത് നിന്ന് പിന്തുണ ആവശ്യമാണ്, അവന്റെ ടീമംഗങ്ങള്‍ അത് നല്‍കി.
ഹാര്‍ദിക് പാണ്ഡ്യയെ നോക്കൂ. എല്ലാ മത്സരങ്ങളിലും അദ്ദേഹം വിക്കറ്റുകള്‍ വീഴ്ത്തുന്നുണ്ട്. അതുകൊണ്ട് കൂട്ടായ പരിശ്രമമാണ്. ബുംറയ്ക്ക് മാത്രമായി ടീമിനായി മത്സരങ്ങള്‍ ജയിക്കാനാകില്ല. ഇന്ത്യയ്ക്കായി എല്ലാ മത്സരങ്ങളിലും ബോളര്‍മാര്‍ വിജയിക്കുന്നത് ഇതാദ്യമായാണ് ഞാന്‍ കാണുന്നത്- ‘നവജ്യോത് സിംഗ് സിദ്ദു സ്റ്റാര്‍ സ്പോര്‍ട്സില്‍ പറഞ്ഞു.