യുഎസ്എയിലും വെസ്റ്റ് ഇന്‍ഡീസിലും നടക്കാനിരിക്കുന്ന 2024 ലെ ടി20 ലോകകപ്പിനുള്ള തങ്ങളുടെ ടീമിനെ ന്യൂസിലന്‍ഡ് പ്രഖ്യാപിച്ചു. വെറ്ററന്‍ ബാറ്റര്‍ കെയ്ന്‍ വില്യംസണെ നായകനാക്കി 15 അംഗ ടീമിനെയാണ് കിവീസ് പ്രഖ്യാപിച്ചിരിക്കുന്നത്.
ഫിന്‍ അലന്‍, മൈക്കല്‍ ബ്രേസ്വെല്‍, രച്ചിന്‍ രവീന്ദ്ര, മാര്‍ക്ക് ചാപ്മാന്‍, മാറ്റ് ഹെന്റി തുടങ്ങി നിരവധി താരങ്ങള്‍ ടൂര്‍ണമെന്റില്‍ ന്യൂസിലന്‍ഡിനായി കളിക്കും. കെയ്ന്‍ വില്യംസണിന്റെ ആറാമത്തെ ടി20 ലോകകപ്പും ക്യാപ്റ്റനെന്ന നിലയില്‍ അദ്ദേഹത്തിന്റെ നാലാമത്തെ ടൂര്‍ണമെന്റുമാണിത്.
ടീമില്‍ ടിം സൗത്തിക്ക് മാത്രമേ വില്യംസണേക്കാള്‍ കൂടുതല്‍ അനുഭവപരിചയമുള്ളൂ. രണ്ട് വെറ്ററന്‍മാരും മുന്നില്‍നിന്ന് നയിക്കാനും ബ്ലാക്ക് ക്യാപ്‌സിനെ ചരിത്ര വിജയത്തിലേക്ക് നയിക്കാനും ലക്ഷ്യമിടുന്നു. മാര്‍ക്വീ ടൂര്‍ണമെന്റ് ജൂണ്‍ 2 ന് ആരംഭിക്കും.
ന്യൂസിലന്‍ഡ് ലോകകപ്പ് ടീം:
കെയ്ന്‍ വില്യംസണ്‍ (സി), ഫിന്‍ അലന്‍, ട്രെന്റ് ബോള്‍ട്ട്, മൈക്കല്‍ ബ്രേസ്വെല്‍, മാര്‍ക്ക് ചാപ്മാന്‍, ഡെവണ്‍ കോണ്‍വേ, ലോക്കി ഫെര്‍ഗൂസണ്‍, മാറ്റ് ഹെന്റി, ഡാരില്‍ മിച്ചല്‍, ജിമ്മി നീഷാം, ഗ്ലെന്‍ ഫിലിപ്സ്, രച്ചിന്‍ രവീന്ദ്ര, മിച്ചല്‍ സാന്റ്നര്‍, ഇഷ് സോധി, ടിം സൗത്തി.
ബെന്‍ സിയേഴ്‌സ് – ട്രാവലിംഗ് റിസര്‍വ്