ടി20 ലോകകപ്പില്‍ ജൂണ്‍ 9ന് നടക്കാനിരിക്കുന്ന ചിരവൈരികളുടെ പോരാട്ടത്തില്‍ ഇന്ത്യയെ തോല്‍പ്പിക്കാന്‍ പാകിസ്ഥാന് ഉപായം ഉപദേശിച്ച് വെസ്റ്റ് ഇന്‍ഡീസ് മുന്‍ മേപസര്‍ ഇയാന്‍ ബിഷപ്. ബാബര്‍ ആസമും മുഹമ്മദ് റിസ്വാനും ഓപ്പണര്‍മാരായി ഇറങ്ങണമെന്നാണ് ബിഷപ് പറയുന്നത്.
പാകിസ്ഥാന്റെ അനുഭവസമ്പന്നരായ താരങ്ങളാണ് ബാബര്‍ ആസമും മുഹമ്മദ് റിസ്വാനും. അവരെ ഓപ്പണിംഗിലേക്ക് പിന്തുണക്കണം. എന്നാല്‍ ഇവരുടെ ശൈലി മാറ്റേണ്ടതായുണ്ട്.
ടി20 ലോകകപ്പിലെ പിച്ച് അല്‍പ്പം പ്രയാസമുള്ളതാണ്. അതുകൊണ്ടുതന്നെ ഇവര്‍ ഓപ്പണര്‍മാരാവുകയും ബാറ്റിങ് ശൈലിയില്‍ മാറ്റം വരുത്തുകയും ആക്രമണോത്സകത കൊണ്ടുവരേണ്ടതുമാണ്- ബിഷപ് പറഞ്ഞു.
ഇന്ത്യക്കെതിരേ മികച്ച റെക്കോഡാണുള്ള താരങ്ങളാണ് ബാബറും റിസ്വാനും. 2021ലെ ടി20 ലോകകപ്പില്‍ ഇന്ത്യയെ പാകിസ്ഥാന് 10 വിക്കറ്റിന് തോല്‍പ്പിച്ചപ്പോള്‍ അന്ന് കരുത്തായത് ബാബറിന്റേയും റിസ്വാന്റേയും അപരാജിത കുതിപ്പായിരുന്നു. എന്നിരുന്നാലും അവസാന ടി20 മത്സരത്തില്‍ നേര്‍ക്കുനേര്‍ എത്തിയപ്പോള്‍ പാകിസ്ഥാനെ തോല്‍പ്പിച്ച അത്മവിശ്വാസത്തിലാണ് ഇന്ത്യ.