2024ലെ ടി20 ലോകകപ്പില്‍ എല്ലാ മേഖലയിലും ആധിപത്യം പുലര്‍ത്തുന്നതിനാല്‍ ഇന്ത്യയെ ദക്ഷിണാഫ്രിക്ക ഭയക്കണമെന്ന് മുന്നറിയിപ്പ് പാകിസ്ഥാന്‍ മുന്‍ സ്പീഡ്സ്റ്റര്‍ ഷൊയ്ബ് അക്തര്‍. ജൂണ്‍ 29 ശനിയാഴ്ച നടക്കുന്ന ഫൈനല്‍ മത്സരത്തില്‍ ഇന്ത്യന്‍ ടീം ദക്ഷിണാഫ്രിക്കയുമായി കൊമ്പുകോര്‍ക്കും. ബാര്‍ബഡോസിലെ കെന്‍സിംഗ്ടണ്‍ ഓവലിലാണ് മത്സരം. ടൂര്‍ണമെന്റിലുടനീളം തോല്‍വിയറിയാതെയാണ് ഇരു ടീമുകളും ഫൈനലില്‍ കടന്നത്.
എന്തായാലും, ഇന്ത്യ അത് അര്‍ഹിക്കുന്നുണ്ടെന്ന് ഞാന്‍ കരുതുന്നു. ഇന്ത്യയ്ക്ക് എല്ലാ അഭിനന്ദനങ്ങളും. ഞാന്‍ വളരെക്കാലമായി ഇത് പറയുന്നു, കഴിഞ്ഞ രണ്ട് ലോകകപ്പുകളും അവര്‍ വിജയിക്കേണ്ടതായിരുന്നു, ഇതും അവര്‍ ജയിക്കണം. ടോസ് കിട്ടിയാല്‍ ദക്ഷിണാഫ്രിക്ക ആദ്യം ബാറ്റ് ചെയ്യാന്‍ നോക്കണം.
റിഷഭ് പന്തും രോഹിത് ശര്‍മ്മയും ഓപ്പണ്‍ ചെയ്ത് വിരാട് കോഹ്ലിയെ മൂന്നാം നമ്പറിലിറക്കണമെന്ന് ഞാന്‍ ആഗ്രഹിക്കുന്നു. കോഹ്ലി തന്റെ സ്വാഭാവികവും സാധാരണവുമായ പൊസിഷനിലേക്ക് ഇറങ്ങിയാല്‍ ഇന്ത്യയുടെ പ്രശ്നങ്ങള്‍ പരിഹരിക്കപ്പെടും. ഇത് അവന്റെ കളിയല്ല.
സമയം എടുത്ത് അയഞ്ഞ പന്തുകള്‍ അടിക്കാന്‍ അവന്‍ ഇഷ്ടപ്പെടുന്നു. തുടര്‍ന്ന് അദ്ദേഹം തന്റെ സ്ട്രൈക്ക് റേറ്റ് മെച്ചപ്പെടുത്തുന്നു. അതിനാല്‍ കോഹ്ലി ഒരു സ്വാഭാവിക ഓപ്പണറാണോ എന്ന് എനിക്ക് ഉറപ്പില്ല. അതിനാല്‍ അദ്ദേഹം ഒരു തരത്തില്‍ കുടുങ്ങിയിരിക്കുകയാണ്, ഋഷഭ് പന്ത് ഓപ്പണറായി വന്നാല്‍ പ്രശ്നം പരിഹരിക്കപ്പെടും- അക്തര്‍ കൂട്ടിച്ചേര്‍ത്തു.