മുംബൈ ഇന്ത്യൻസും (എംഐ) കൊൽക്കത്ത നൈറ്റ് റൈഡേഴ്സും (കെകെആർ) തമ്മിൽ ഈ സീസണിൽ നടന്ന ഐപിഎൽ പോരാട്ടത്തിന് മുന്നോടിയായി, മത്സരത്തിന് മുമ്പുള്ള പരിശീലനത്തിനിടെ ഹൃദയസ്പർശിയായ ഒരു നിമിഷം ഉണ്ടായിരുന്നു. ഇന്ത്യൻ ക്യാപ്റ്റൻ രോഹിത് ശർമ്മ, ടി20 ലോകകപ്പ് ടീമിനെ പ്രഖ്യാപിച്ചതിന് ശേഷം മുംബൈ ഇന്ത്യൻസ് ക്യാമ്പിൽ എത്തിയതേ ഉണ്ടായിരുന്നുള്ളു.
സഹതാരങ്ങളായ തിലക് വർമ്മ, സൂര്യകുമാർ യാദവ്, ശ്രേയസ് അയ്യർ, കെ.എസ്. ഭരത്, മുൻ ക്രിക്കറ്റ് താരം ഗൗതം ഗംഭീർ എന്നിവരടങ്ങുന്ന സജീവമായ ഗ്രൂപ്പ് ചർച്ചയിൽ രോഹിത് ശർമ്മ ഏർപ്പെടുകയും ചെയ്തിരുന്നു. എന്നിരുന്നാലും, കെകെആർ ടീമിലെ വളർന്നുവരുന്ന, ഈ ലോകകപ്പ് ടീമിൽ ഉണ്ടാകുമെന്ന് എല്ലാവരും കരുതപെട്ട റിങ്കു സിങ്ങിൻ്റെ അടുത്ത് അദ്ദേഹം സംസാരിച്ചു. രോഹിത് ശർമ്മ അത്രയും നേരവും താൻ സംസാരിച്ച ഗ്രൂപ്പിൽ നിന്ന് മാറി റിങ്കു സിംഗുമായി ഒരു സ്വകാര്യ സംഭാഷണത്തിൽ ഏർപ്പെടുക ആയിരുന്നു. റിങ്കുവിനെ റിസേർവ് എന്ന നിലയിൽ മാത്രമാണ് ഇന്ത്യ ടീമിൽ ഉൾപെടുത്തിയിരിക്കുന്നത്.
ടീം പ്രഖ്യാപനം കഴിഞ്ഞ് ദിവസങ്ങൾ മാത്രം ബാക്കിയുള്ളപ്പോൾ ഇവർ നടത്തിയ ചർച്ച എന്താണെന്ന് ക്രിക്കറ്റ് ലോകത്തെ ചർച്ചാവിഷയം. ലോകകപ്പ് ടീമുമായി ബന്ധപ്പെട്ട കാര്യമായിരിക്കും രോഹിത് പറഞ്ഞിട്ട് ഉണ്ടാകുക എന്ന കാര്യം ഉറപ്പായിരുന്നു. ഇപ്പോഴിതാ അത് എന്തായിരുന്നു എന്ന് റിങ്കു തന്നെ പറഞ്ഞിരിക്കുകയാണ്.
“രോഹിത് ഭയ്യ പറഞ്ഞു, കഠിനാധ്വാനം ചെയ്യുക, 2 വർഷത്തിന് ശേഷം വീണ്ടും ഒരു ലോകകപ്പ് ഉണ്ട്, അധികം വിഷമിക്കേണ്ടതില്ല – ഇതാണ് അദ്ദേഹം എന്നോട് പറഞ്ഞത്.” താരം പറഞ്ഞു. എന്തായാലും ഈ ലോകകപ്പിന് ലോകകപ്പ് മത്സരം കഴിഞ്ഞാൽ മാറ്റങ്ങൾ ഉണ്ടാകാൻ സാധ്യതയുള്ള ഇന്ത്യൻ ടീമിലെ പ്രധാന മുഖങ്ങളിൽ ഒന്നായിരിക്കും റിങ്കു.