സ്റ്റാർ ബാറ്ററും പാകിസ്ഥാൻ മുൻ നായകനുമായ ബാബർ അസം കുറച്ച് കാലമായി റെഡ് ബോൾ ഫോർമാറ്റിൽ മികച്ച ഫോം കണ്ടെത്താൻ ബുദ്ധിമുട്ടുകയാണ് . അദ്ദേഹത്തിൻ്റെ ഫോമിന്റെ ബുദ്ധിമുട്ടുകൾ കൂടുതൽ എടുത്ത് കാണിച്ചുകൊണ്ട്, പാകിസ്ഥാനും ബംഗ്ലാദേശും തമ്മിലുള്ള ടെസ്റ്റ് പരമ്പരയിലും മോശം ഫോം തുടർന്നു. അദ്ദേഹം ഇതുവരെ കളിച്ച മൂന്ന് ഇന്നിംഗ്സുകളിലും, യഥാക്രമം 0, 22, 31 എന്നിങ്ങനെയാണ് അദ്ദേഹത്തിൻ്റെ സ്കോറുകൾ.
അടുത്തിടെ നടന്ന ഒരു ചർച്ചയ്ക്കിടെ, മുൻ ഇന്ത്യൻ ക്രിക്കറ്റ് താരവും കമൻ്റേറ്ററുമായ ദിനേശ് കാർത്തിക്, ബാബർ എങ്ങനെ റൺസിനായി പാടുപെടുന്നു എന്നതിനെക്കുറിച്ച് തൻ്റെ ചിന്തകൾ പ്രകടിപ്പിച്ചു. എന്നിരുന്നാലും, ഒരു കളിക്കാരനെന്ന നിലയിൽ ബാബറിൻ്റെ ഫോമിൽ സംശയം ഒന്നും ഇല്ലെങ്കിലും ടെസ്റ്റിലെ മോശം ഫോം താരത്തെ സമ്മർദ്ദത്തിലാക്കുന്നുണ്ട് എന്ന് പറഞ്ഞിരിക്കുകയാണ്.
“ഒരു കളിക്കാരനെന്ന നിലയിൽ ബാബർ അസമിൻ്റെ നിലവാരത്തെ ആർക്കും സംശയിക്കാനാവില്ല. അദ്ദേഹത്തിന് മികച്ച ബാറ്റിംഗ് ശേഷിയുണ്ട്, എങ്കിലും അവൻ വളരെയധികം സമ്മർദ്ദത്തിലാണെന്ന് എനിക്ക് തോന്നുന്നു,” ക്രിക്ബസിൻ്റെ ഹേ സിബി ഡികെയ്‌ക്കൊപ്പം കാർത്തിക് പറഞ്ഞു.
അതെ സമയത്ത് ടെസ്റ്റിൽ മാത്രമല്ല വൈറ്റ് ബോൾ ഫോര്മാറ്റിലും താരത്തിന്റെ പ്രകടനം ആശങ്കാജനകമാണ്.