എന്ത് മനുഷ്യന്‍ ആടോ ഗ്ലെന്‍ ഫിലിപ്പ്‌സ് താങ്കള്‍. ബോള്‍ എറിഞ്ഞ എല്ലാവരെയും ഓസ്‌ട്രേലിയന്‍ ഓപ്പണ്‍ര്‍മാര്‍ അമ്മാനമാടിയപ്പോള്‍, ഓസ്‌ട്രേലിയയുടെ റണ്‍ റേറ്റ് ഓവറില്‍ 11ന് മേലെ ആയിരുന്നപ്പോള്‍..
ഓസ്‌ട്രേലിയയുടെ വെടിക്കെട്ടിനു സഡന്‍ ബ്രേക്ക് ഇടാന്‍ കീവിസിന്റെ രക്ഷകന്‍ ആയി അയാള്‍ അവതരിച്ചു. പാര്‍ട്ട് ടൈമര്‍ ആയ ഫിലിപ്പ്‌സ് ആദ്യ ഓവറില്‍ വഴങ്ങിയത് വെറും 2 റണ്‍സ് ആണ്.
തുടര്‍ച്ചയായ മൂന്നാമത്തെ സെഞ്ചുറിയിലേക്ക് നീങ്ങിയ വര്‍ണറെ തന്റെ തന്നെ ബോളില്‍ പിടിച്ചു പുറത്താക്കി ഫിലിപ്പ്‌സ് ആദ്യ വെടി പൊട്ടിച്ചു. തിരിച്ചുവരവില്‍ സെഞ്ചുറി നേടിയ ഹെഡിനെയും വീഴ്ത്തി അയാള്‍ വീണ്ടും രക്ഷകന്‍ ആയി.
നിലയുറപ്പിച്ചാല്‍ അപകടകാരിയാവുന്ന സ്മിത്തിനെയും വീഴ്ത്തി ഒരു ഗ്ലെന്‍ മാജിക്. നിസംശയം പറയാം ഈ വേള്‍ഡ് കപ്പിലെ മികച്ച ഒരു സ്‌പെലിനു തന്നെ ആണ് ഇന്ന് ക്രിക്കറ്റ് ലോകം സാക്ഷ്യം വഹിച്ചത്.
എഴുത്ത്: ജോ മാത്യൂ
കടപ്പാട്: മലയാളി ക്രിക്കറ്റ് സോണ്‍