ഇന്ത്യൻ ഫാസ്റ്റ് ബൗളർ മുഹമ്മദ് ഷമി ക്രിക്കറ്റ് ഫീൽഡിലേക്കുള്ള തിരിച്ചുവരവിൻ്റെ കഠിന പരിശ്രമത്തിലാണ്. ഇതിഹാസ ബൗളർ 2023 ഏകദിന ലോകകപ്പിന് ശേഷം ഇതുവരെയും ഒരു മത്സരം പോലും കളിച്ചിട്ടില്ല. പൂർണ്ണ ഫിറ്റ്നസ് വീണ്ടെടുക്കുന്നതുവരെ ഇന്ത്യൻ ദേശീയ ക്രിക്കറ്റ് ടീമിലേക്ക് മടങ്ങിവരാൻ തയാറല്ല എന്ന് താരം അടുത്തിടെ പറഞ്ഞിരുന്നു. ടീമിലേക്ക് മടങ്ങിയതിന് ശേഷം എന്തെങ്കിലും അസ്വസ്ഥതകളിൽ നിന്ന് വിട്ടുനിൽക്കാൻ താൻ ആഗ്രഹിക്കുന്നില്ല എന്നാണ് സീമർ പറഞ്ഞ വാദം.
ഷമി അടുത്തിടെ ഒരു യാത്രയിൽ വിമാനം വൈകിയതിനാൽ വിമാനത്താവളത്തിൽ കുറച്ച് നേരം കുടുങ്ങിയിരുന്നു. വിമാനത്താവളത്തിൽ നിന്നുള്ള ചിത്രങ്ങൾ അദ്ദേഹം ഇൻസ്റ്റാഗ്രാമിൽ പങ്കുവച്ചു.
“വൈകി. വിമാനത്താവളം എൻ്റെ താൽക്കാലിക ഭവനമാണ് 🏠 🙈🙈,” അദ്ദേഹം എഴുതി.
പ്രമുഖ നടൻ സോനു സൂദ് മുഹമ്മദ് ഷാമിയെ ഇതിന് പിന്നാലെ കളിയാക്കുകയും ചെയ്തു. ” ഏത് വീട്ടിൽ ആണെങ്കിലും എന്ത് ടെൻഷൻ. എവിടെ ആണെങ്കിലും നല്ല ഉറക്കം തന്നെ’ നടൻ കളിയാക്കി പറഞ്ഞ മറുപടി ഇങ്ങനെ.
2023ലെ ഐസിസി ഏകദിന ലോകകപ്പിൽ ഏഴ് മത്സരങ്ങളിൽ നിന്ന് 24 വിക്കറ്റുകളാണ് മുഹമ്മദ് ഷമി നേടിയത്. ഒക്ടോബർ 11 ന് ആരംഭിക്കുന്ന ഉത്തർപ്രദേശിനെതിരായ രഞ്ജി ട്രോഫി 2024 ലെ ബംഗാളിൻ്റെ ഉദ്ഘാടന മത്സരത്തിൽ ഷമി കളിച്ചേക്കും.
View this post on InstagramRead more
