ഗുജറാത്ത് ടൈറ്റൻസിൽ നിന്ന് മുംബൈ ഇന്ത്യൻസിലേക്കുള്ള ഹാർദിക് പാണ്ഡ്യയുടെ പെട്ടെന്നുള്ള മടങ്ങി പോകൽ മുഹമ്മദ് ഷമി തൻ്റെ ഹൃദയത്തിലേക്ക് ചേർത്തതായി തോന്നുന്നു. ശസ്ത്രക്രിയ കഴിഞ്ഞ് ഇപ്പോൾ സുഖം പ്രാപിക്കുന്ന സ്റ്റാർ പേസർ, മുൻ ജിടി ക്യാപ്റ്റനെ അപമാനിക്കുന്ന ഒരു പോസ്റ്റ് ലൈക്ക് ചെയ്തിരിക്കുകയാണ്.
കണങ്കാലിന് പരിക്കേറ്റിട്ടും 2023ലെ ഐസിസി ലോകകപ്പിൽ ഷമി പങ്കെടുത്തതിനെ കുറിച്ചായിരുന്നു പോസ്റ്റ്. പൂനെയിൽ ബംഗ്ലാദേശിനെതിരായ ഒരു മത്സരത്തിനിടെ പരിക്കേറ്റതിനെ തുടർന്ന് ടൂർണമെൻ്റിൽ നിന്ന് പാതിവഴിയിൽ പുറത്തായ ഹാർദിക്കിനെ കളിയാക്കിയാണ് പോസ്റ്റ് വന്നത്. ഇതിനായിരുന്നു ഷമി ലൈക് ചെയ്യുന്നത്.
“ലോകകപ്പിൽ വേദന അനുഭവിക്കുമ്പോഴും ഷമി ഭായ് തൻ്റെ 100 ശതമാനം നൽകി, ഐപിഎല്ലിനായി തന്നെത്തന്നെ നിലനിർത്താൻ വ്യാജ പരിക്ക് കാണിച്ച ഒരു വ്യക്തിയുണ്ട്,” ട്വിറ്ററിൽ ഒരാൾ എഴുതി. ഇത് ഫാസ്റ്റ് ബൗളർക്ക് ഇഷ്ടപ്പെട്ടു, ഓൾറൗണ്ടറോടുള്ള തൻ്റെ അനിഷ്ടം താരം ഇതിലൂടെ സൂചിപ്പിക്കുന്നു.
ലോകകപ്പിൽ നിന്ന് പാതിവഴിയിൽ മടങ്ങിയ ശേഷം ഹാർദിക് ഗെയിമുകളൊന്നും കളിച്ചില്ല. അടുത്തിടെ ഐപിഎൽ 2024-ൽ എംഐക്ക് വേണ്ടി കളിക്കാൻ തിരിച്ചെത്തുമെന്ന് അറിയിക്കുക ആയിരുന്നു. അവിടെ രോഹിത് ശർമ്മയെ ഒഴിവാക്കി മുംബൈ ഇന്ത്യൻസ് അദ്ദേഹത്തെ ടീമിന്റെ നായകൻ ആക്കിയിരുന്നു.
രണ്ട് സീസണുകളിൽ ഗുജറാത്തിൻ്റെ ക്യാപ്റ്റനായിരുന്നു അദ്ദേഹം, 2022-ൽ ലീഗ് വിജയിക്കുകയും 2023-ൽ ഫൈനലിലെത്തുകയും ചെയ്തപ്പോൾ ഹാർദിക് ആയിരുന്നു നായകൻ. കഴിഞ്ഞ ഫൈനലിൽ ടീം ചെന്നൈയോട് തോറ്റിരുന്നു ഗുജറാത്ത് ടൈറ്റൻസിൽ ഹാർദിക്കിൻ്റെ ക്യാപ്റ്റൻസിയിൽ തിളങ്ങിയ ഷമി 2023-ൽ പർപ്പിൾ ക്യാപ്പ് ജേതാവായിരുന്നു. അതേസമയം, വരാനിരിക്കുന്ന സീസണിൽ നിന്ന് പുറത്തായതിനാൽ 2024 ലെ ഐസിസി ടി20 ലോകകപ്പും ഷമിക്ക് നഷ്ടമാകും.