വൈകി എത്തിയ അവസരം മികച്ച രീതിയിൽ ഉപയോഗിച്ച് ചുരുങ്ങിയ സമയം കൊണ്ട് ഇതിഹാസമായി മാറിയ താരമാണ് സഞ്ജു സാംസൺ. ഇന്ത്യ കണ്ട എക്കാലത്തെയും വെടിക്കെട്ട് ബാറ്റ്സ്മാൻ എന്ന പേര് ഇനി ആ മലയാളി താരത്തിന് സ്വന്തം. അവസാനമായി കളിച്ച അഞ്ച് മത്സരങ്ങളിൽ നിന്നായി മൂന്നു സെഞ്ച്വറി നേടിയ താരം, രോഹിത് ശർമ്മയുടെ ടി-20 യിലെ വിടവ് നികത്തുകയാണ്.
സഞ്ജുവിന് ഏറ്റവും പ്രിയപ്പെട്ടതും പ്രചോദനവുമായ താരമാണ് സൗത്ത് ആഫ്രിക്കൻ ഇതിഹാസം എ ബി ഡിവില്യേഴ്‌സ്. സഞ്ജുവിന്റെ നിലവിലെ പ്രകടനത്തിൽ ഏറ്റവും കൂടുതൽ സന്തോഷിക്കുന്നതും ഇപ്പോൾ അദ്ദേഹമാണ്. ഇന്ത്യൻ ടീം വർഷങ്ങളായി സഞ്ജുവിന്റെ മികവിനെ തിരിച്ചറിയാൻ സമയമെടുത്തു എന്നാണ് അദ്ദേഹം അഭിപ്രായപ്പെടുന്നത്. ഭാവി ഇന്ത്യൻ ക്യാപ്റ്റൻ അകാൻ വരെ സഞ്ജുവിന് സാധിക്കും എന്നാണ് ഡിവില്യേഴ്‌സ് പറയുന്നത്.
എ ബി ഡിവില്യേഴ്‌സ് പറയുന്നത് ഇങ്ങനെ:
“ഇന്ത്യന്‍ ടീമില്‍ എത്ര മാത്രം വലിയ വിടവായിരുന്നു സഞ്ജു സാംസണെന്നു എന്ന് നന്നായി അറിയാം. ടീമിലെ വലിയ വിടവാണ് സഞ്ജു ഇപ്പോള്‍ നികത്തിയിരിക്കുന്നത്. ഇപ്പോള്‍ നോക്കൂ, സഞ്ജുവിന്റെ സമയമെത്തിയിരിക്കുകയാണ്. രണ്ടു സെഞ്ച്വറികളാണ് ഒരു ടി-20 പരമ്പരയില്‍ അദ്ദേഹം കുറിച്ചിരിക്കുന്നത്”
എ ബി ഡിവില്യേഴ്‌സ് തുടർന്നു:
“സൗത്താഫ്രിക്കയ്‌ക്കെതിരേയുള്ള മിന്നുന്ന പ്രകടനെേത്താടെ ഇന്ത്യയുടെ ടി-20 ടീമില്‍ സഞ്ജു തന്റെ സ്ഥാനം ഉറപ്പിച്ചിരിക്കുകയാണ്. വിക്കറ്റ് കീപ്പറെന്ന നിലയില്‍ മാത്രമല്ല അടുത്ത ക്യാപ്റ്റന്റെ റോളും അദ്ദേഹം ഭദ്രമാക്കിയതായി ഞാന്‍ കരുതുന്നു. ഈ ടീമിനെ മുന്നോട്ടു നയിക്കാന്‍ സഞ്ജുവിനു കഴിയും. ഇതു കാണുമ്പോള്‍ ഏറെ സന്തോഷം തോന്നുന്നു” എ ബി ഡിവില്യേഴ്‌സ് പറഞ്ഞു.