കൊൽക്കത്ത നൈറ്റ് റൈഡേഴ്‌സ് (കെകെആർ) ഓൾറൗണ്ടർ ആന്ദ്രെ റസ്സലിന്റെ പരിക്ക് ടീമിനെ വീണ്ടും വലക്കുന്നു. ഇന്നലെ സൺറൈസേഴ്‌സ് ഹൈദരാബാദിനെതിരെ (എസ്ആർഎച്ച്) ആദ്യ ഇന്നിംഗ്സിൽ 2.1 ഓവർ ബൗൾ ചെയ്ത ശേഷം പരിക്കേറ്റ് ഫീൽഡിന് പുറത്ത് മുടന്തി. എന്തിരുന്നാലും 3 വിക്കറ്റുകൾ നേടിയ താരമാണ് ഒരു പരിധി വരെ ഹൈദരാബാദ് ബാറ്റ്‌സ്മാന്മാരെ പരീക്ഷിച്ചത്.
പരിക്കേറ്റ് മടങ്ങിയ ശേഷം ബാറ്റിംഗ് സമയത്ത് തിരികെ എത്തിയ താരം ആകെ നേടിയതോ 3 റൺസും. ഈ സീസണിൽ ബാറ്റിംഗ് കൊൽക്കത്തക്കായി ഒരു മത്സരത്തിൽ പോലും തിളങ്ങാൻ സാധിക്കാതിരുന്ന താരത്തിന് എന്തായാലും ഇപ്പോൾ അത്ര നല്ല സമയമല്ല എന്ന് തന്നെ പറയാം.
കഴിഞ്ഞ കുറച്ച് വർഷണങ്ങളായി താരത്തെ ഫിറ്റ്നസ് പ്രശ്നങ്ങൾ അലട്ടുന്നുണ്ട്. എന്നാൽ പണി എല്ലാം കൂടി ചേർത്ത് വന്ന സ്ഥിതിയാണ് ഇപ്പോൾ. എത്രയോ വേഗം റസലിനെ പുറത്താക്കി കഴിവുള്ള ഒരു വിദേശ താരത്തെ ആ സ്ഥാനത്തേക്ക് ടീം പരിഗണിക്കണം എന്നാണ് ആരാധകർ പറയുന്നത്.
റസലിനും ചെന്നൈ സൂപ്പർ കിങ്സിന്റെ ദീപക്ക് ചഹറിനും പരിക്ക് പറ്റാൻ പ്രത്യേകിച്ച് സമയം ഒന്നും വേണ്ടെന്നും ആരെങ്കിലും ഈ താരങ്ങളുടെ അടുത്ത് വന്നിട്ട് ഉച്ചത്തിൽ സംസാരിച്ചാൽ മതിയെന്നും ആരാധകർ പറയുന്നു.