ഇന്ത്യൻ പ്രീമിയർ ലീഗ് (ഐപിഎൽ) 2023 ലെ ഡൽഹി ക്യാപിറ്റൽസും (ഡിസി) സൺറൈസേഴ്സ് ഹൈദരാബാദും (എസ്ആർഎച്ച്) തമ്മിൽ ഇന്നലെ നടന്ന മത്സരത്തിനിടെ ഇരു ടീമിന്റെയും ആരാധകർ തമ്മിൽ ഏറ്റുമുട്ടുന്ന വഴക്കിന്റെ വീഡിയോ സോഷ്യൽ മീഡിയയിൽ വൈറലാകുന്നു.
ഇന്നലെ ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ നടന്ന മത്സരത്തിലാണ് ഇരുടീമുകളും സീസണിലെ രണ്ടാമത്തെ മത്സരത്തിൽ ഏറ്റുമുട്ടാൻ ഇറങ്ങിയത്. ഇരുവരും ഏറ്റുമുട്ടിയ ആദ്യ മത്സരത്തിൽ ഡൽഹി ഹൈദരാബാദിനെ തോൽപ്പിച്ചിരുന്നു. എന്നാൽ ഇന്നലെ നടന്ന മത്സരത്തിൽ ആദ്യം ബാറ്റ് ചെയ്ത എസ്ആർഎച്ച് ബോർഡിൽ 197/6 എന്ന സ്കോർ ഉയർത്തിയപ്പോൾ ഡൽഹി 188/6 എന്ന നിലയിൽ ഒതുങ്ങി. ഹൈദരാബാദ് 9 റൺസ് വിജയവും സ്വന്തമാക്കി.
കളിക്കളത്തിലെ തീവ്രമായ പോരാട്ടം ഗാലറിയിലേക്ക് നീങ്ങുത് നമ്മൾ കണ്ടിട്ടുണ്ട്. ഇത് ആരാധകർ തമ്മിലുള്ള തർക്കങ്ങൾക്കും വഴക്കുകൾക്കും ഇടയാക്കും. സോഷ്യൽ മീഡിയയിൽ പ്രത്യക്ഷപ്പെട്ട ഒരു വീഡിയോയിൽ, ഡൽഹി ക്യാപിറ്റൽസും സൺറൈസേഴ്സ് ഹൈദരാബാദും തമ്മിലുള്ള മത്സരത്തിൽ ഇരുടീമുകളുടെയും ആരാധകർ ഏറ്റുമുട്ടി.
സ്റ്റേഡിയത്തിനുള്ളിൽ ആകെ 5-6 പേർ പരസ്പരം ഏറ്റുമുട്ടുന്നത് വിഡിയോയിൽ കാണാം. ഡൽഹി ക്യാപിറ്റൽസിന്റെ പതാകകൾ ചില ആരാധകരുടെ കൈകളിൽ വീഡിയോയിൽ കാണാൻ സാധിക്കും . സ്റ്റേഡിയത്തിനുള്ളിലെ നാണംകെട്ട സംഭവത്തിലേക്ക് നയിച്ചത് എന്താണെന്ന് ഇതുവരെ അറിവായിട്ടില്ല. എന്നാൽ സോഷ്യൽ മീഡിയയിൽ വീഡിയോ വൈറലാകുകയാണ്.
A fight took place between fans in Delhi during their match against SRH. pic.twitter.com/MYPj6dqejb
— Mufaddal Vohra (@mufaddal_vohra) April 30, 2023
Read more
