ദ്വീപ് രാഷ്ട്രത്തിലെ രാഷ്ട്രീയ അശാന്തിയുടെ പശ്ചാത്തലത്തിൽ ഏഷ്യാ കപ്പ് ശ്രീലങ്കയിൽ നിന്ന് മാറ്റാൻ സാദ്ധ്യതയുണ്ടെന്ന് എസ്‌എൽ‌സി സെക്രട്ടറി മോഹൻ ഡി സിൽവ ഞായറാഴ്ച പറഞ്ഞു, ടൂർണമെന്റ് യുഎഇയിൽ ആയിരിക്കും നടക്കുക എന്ന് പറഞ്ഞു . സാമ്പത്തിക പ്രതിസന്ധി നേരിടുന്ന ശ്രീലങ്കയിൽ ആഴ്ചകളായി സർക്കാരിനെതിരെ വ്യാപക പ്രതിഷേധം ഉയർന്നിരുന്ന സാഹചര്യത്തിൽ ടൂർണമെന്റ് ശ്രീലങ്കയിൽ നടക്കാൻ സാദ്ധ്യത വളരെ കുറവാണ്.
എന്നാൽ, പ്രസിഡന്റ് ഗോതബയ രാജപക്‌സെ സൈനിക വിമാനത്തിൽ രാജ്യം വിട്ടതോടെ സ്ഥിതി കൂടുതൽ വഷളായി. ഏഷ്യാ കപ്പ് യുഎഇയിൽ നടക്കാൻ സാധ്യതയുണ്ടെന്ന് ശ്രീലങ്കൻ ക്രിക്കറ്റ് സെക്രട്ടറി ഡി സിൽവ പിടിഐയോട് പറഞ്ഞു, ടി20 ടൂർണമെന്റിന്റെ വേദിയിൽ സാധ്യമായ മാറ്റത്തെക്കുറിച്ച് ചോദിച്ചപ്പോൾ” നിലവിൽ ഒന്നും പറയാൻ പറ്റില്ല എന്നാണ് മറുപടി പറഞ്ഞത്.
ആറ് ടീമുകൾ പങ്കെടുക്കുന്ന ടൂർണമെന്റിന്റെ തീയതികൾ ഓഗസ്റ്റ് 26 മുതൽ സെപ്റ്റംബർ 11 വരെ നേരത്തെ നിശ്ചയിച്ചിരുന്നതുപോലെ തന്നെ തുടരുമെന്ന് പ്രതീക്ഷിക്കുന്നു. ടൂർണമെന്റ് യു. എ .എയിൽ നടന്നാൽ പാകിസ്താന് നല്ല സാധ്യതയുണ്ട് ടൂർണമെന്റ് ജയിക്കാൻ.