രാജ്കോട്ട് ടെസ്റ്റില്‍ തന്റെ മൂന്നാം ടെസ്റ്റ് സെഞ്ച്വറി നേടിയ യുവ ഇന്ത്യന്‍ ഓപ്പണര്‍ യശസ്വി ജയ്സ്വാളിനെ പ്രശംസിച്ച് മുന്‍ ഇംഗ്ലണ്ട് ക്യാപ്റ്റന്‍ കെവിന്‍ പീറ്റേഴ്സണ്. ഇന്ത്യന്‍ സാഹചര്യങ്ങളില്‍ ജയ്സ്വാളിന്റെ കളിയില്‍ ഒരു ദൗര്‍ബല്യവും കാണുന്നില്ലെന്ന് പറഞ്ഞ പീറ്റേഴ്സണ് വിദേശത്തും ഈ മികവ് കാണിക്കേണ്ടതുണ്ടെന്നും ഓര്‍മിപ്പിച്ചു.
ജയസ്വാള്‍ ഇനി വിദേശ പിച്ചുകളില്‍ കൂടെ കഴിവു തെളിയിക്കണം. അവന്റെ ഏറ്റവും വലിയ വെല്ലുവിളി വിദേശത്ത് പോകുന്നത് ആകും. നിങ്ങളുടെ കരിയറിന്റെ അവസാനത്തില്‍ ഒരു മികച്ച കളിക്കാരനായി വിലയിരുത്തപ്പെടാന്‍, നിങ്ങള്‍ക്ക് എല്ലാ സാഹചര്യങ്ങളിലും കളിക്കണം. ഹോം ഗ്രൗണ്ടില്‍ എന്ന പോലെ വിദേശ പിച്ചിലും സെഞ്ച്വറികള്‍ നേടണം- പീറ്റേഴ്സണ് കൂട്ടിച്ചേര്‍ത്തു.
പീറ്റേഴ്സന്റെ അഭിപ്രായങ്ങള്‍ അന്താരാഷ്ട്ര ക്രിക്കറ്റിലെ ഭാവി താരമെന്ന നിലയില്‍ ജയ്സ്വാളിന്റെ സാധ്യതകളെ ഉയര്‍ത്തിക്കാട്ടുന്നു. കൂടാതെ കായികരംഗത്ത് മഹത്വം കൈവരിക്കുന്നതിന് വ്യത്യസ്ത സാഹചര്യങ്ങളില്‍ മികച്ച പ്രകടനം നടത്തേണ്ടതിന്റെ പ്രാധാന്യത്തെ അദ്ദേഹത്തിന്റെ പരാമര്‍ശങ്ങള്‍ അടിവരയിടുന്നു.
മൂന്നാം ടെസ്റ്റില്‍ ഇന്ത്യ മികച്ച ലീഡിലേക്ക് നീങ്ങുകയാണ്. ജയ്സ്വാളിന്റെ സെഞ്ച്വറി പ്രകടനമാണ് ഇന്ത്യയ്ക്ക് കരുത്തായത്.