ഇന്ത്യന്‍ യുവ ഫാസ്റ്റ് ബോളര്‍ ഉമ്രാന്‍ മാലിക്കിന് വിലപ്പെട്ട ഉപദേശം നല്‍കി ക്രിക്കറ്റ് ഇതിഹാസം ബ്രയാന്‍ ലാറ. കേവലമായ വേഗതയെ മാത്രം ആശ്രയിക്കുന്നത് പോരായെന്നാണ് ഇന്ത്യന്‍ പ്രീമിയര്‍ ലീഗില്‍ (ഐപിഎല്‍) സണ്‍റൈസേഴ്സ് ഹൈദരാബാദില്‍ മാലിക്കിനൊപ്പം പ്രവര്‍ത്തിച്ചിരുന്ന ലാറ താരത്തിന് നല്‍കുന്ന ഉപദേശം. ലോകത്തിലെ ഏറ്റവും മികച്ച പേസര്‍മാരില്‍ നിന്നും കാര്യമായ സ്വാധീനം ചെലുത്താനുള്ള അവരുടെ കഴിവില്‍ നിന്നും പഠിക്കാന്‍ യുവ പ്രതിഭകളെ ലാറ ഉപദേശിച്ചു. ലോകകപ്പിന് രണ്ട് മാത്രം ശേഷിക്കെയാണ് ലാറയുടെ വിലയേറിയ ഉപദേശം.
ഉമ്രാന്‍ മാലിക് ഒരു സെന്‍സേഷനായിരിക്കും. പക്ഷേ ഫാസ്റ്റ് ബോളിംഗ് ലോകത്തിലെ ഏറ്റവും മികച്ച ബാറ്റര്‍മാരെ ബുദ്ധിമുട്ടിക്കുന്നില്ലെന്ന് അദ്ദേഹം വളരെ വേഗം പഠിക്കേണ്ടതുണ്ട്. നിങ്ങള്‍ക്ക് പന്ത് ഉപയോഗിച്ച് എന്തെങ്കിലും ചെയ്യാനുള്ള കഴിവ് ഉണ്ടായിരിക്കണം. വിവേകമുള്ളവരായിരിക്കുക. അവന് വളരെ ചെറുപ്പമാണ്, അവന് ഒരുപാട് വര്‍ഷങ്ങള്‍ മുന്നിലുണ്ട്- ബ്രയാന്‍ ലാറ പറഞ്ഞു.
2021ല്‍ ഐപിഎല്ലില്‍ അരങ്ങേറ്റം കുറിക്കുകയും പിന്നീട് 2022ല്‍ എസ്ആര്‍എച്ചിന് വേണ്ടി 14 മത്സരങ്ങളില്‍ നിന്ന് 22 വിക്കറ്റ് വീഴ്ത്തുകയും ചെയ്ത ഉമ്രാന്‍ മാലിക്കിന്റെ യാത്ര ശ്രദ്ധേയമാണ്. എന്നിരുന്നാലും, ഏകദിന ഇന്റര്‍നാഷണലുകളില്‍ അദ്ദേഹത്തിന്റെ മുന്നേറ്റം അത്രമികച്ചതല്ല. ജനുവരിയില്‍ മൂന്ന് മത്സരങ്ങളോടെ 2023-ല്‍ തന്റെ ഏകദിന കരിയര്‍ ആരംഭിച്ചെങ്കിലും, ഓസ്ട്രേലിയയ്‌ക്കെതിരായ ഏകദിനത്തില്‍ അദ്ദേഹത്തെ ഒഴിവാക്കി.
പിന്നീട് 2023 ജൂലൈയില്‍ ഇന്ത്യ-വെസ്റ്റ് ഇന്‍ഡീസ് പരമ്പരയ്ക്കുള്ള ഏകദിന ടീമിലേക്ക് താരം മടങ്ങിയെത്തി. ശ്രീലങ്കയ്ക്കെതിരായ രണ്ട് മത്സരങ്ങളില്‍ അഞ്ച് വിക്കറ്റും ന്യൂസിലന്‍ഡിനെതിരെ ഒരു വിക്കറ്റും മുമ്പ് അദ്ദേഹം നേടിയിരുന്നുവെങ്കിലും, വെസ്റ്റ് ഇന്‍ഡീസ് പരമ്പരയിലെ അദ്ദേഹത്തിന്റെ പ്രകടനം മോശമായിരുന്നു. ആദ്യ ഏകദിനത്തില്‍ മൂന്ന് ഓവര്‍ എറിഞ്ഞ മാലിക് 17 റണ്‍സ് വഴങ്ങി വിക്കറ്റൊന്നും വീഴ്ത്തിയില്ല.