ചെന്നൈയിൽ ബംഗ്ലാദേശിനെതിരായ ആദ്യ ടെസ്റ്റിൻ്റെ ആദ്യ ദിനത്തിൽ ടോപ്പ് ഓർഡർ തകർച്ച നേരിട്ടപ്പോൾ ടീം ഇന്ത്യയുടെ ടെസ്റ്റ് ക്രിക്കറ്റിലേക്കുള്ള തിരിച്ചുവരവ് വമ്പൻ നിരാശയോടെയാണ് തുടങ്ങിയത്. എംഎ ചിദംബരം സ്റ്റേഡിയത്തിൽ അസാധാരണമാംവിധം പേസ് സൗഹൃദ പ്രതലത്തിൽ ബാറ്റ് ചെയ്യാൻ ആവശ്യപ്പെട്ടതിന് ശേഷം, 24 കാരനായ ഹസൻ മഹമൂദിൻ്റെ സമർത്ഥമായ ബൗളിംഗിനെതിരെ ഇന്ത്യൻ ടോപ് ഓർഡർ ഉത്തരമില്ലാതെ നിന്നു.
തൻ്റെ നാലാമത്തെ ടെസ്റ്റ് മാത്രം കളിക്കുന്ന യുവ ബംഗ്ലാദേശ് പേസർ, ആദ്യ സെഷനിൽ ക്യാപ്റ്റൻ രോഹിത് ശർമ്മ, ശുഭ്മാൻ ഗിൽ, വിരാട് കോഹ്‌ലി എന്നിവരുടെ വിലയേറിയ വിക്കറ്റുകൾ നേടി ടോപ്പ് ഓർഡറിനെ തകർത്തു. മൂടിക്കെട്ടിയ ആകാശത്തിൻ കീഴിൽ, കിട്ടിയ എല്ലാ സഹായങ്ങളും നന്നായി ഉപയോഗിച്ചുകൊണ്ട് മഹമൂദ് ഇന്ത്യൻ ബാറ്റർമാരുടെ ബാറ്റിംഗ്ദുഷ്കരമാക്കി. ബംഗ്ലാദേശിൻ്റെ സീനിയർ പേസർ ടസ്കിൻ അഹമ്മദ് രോഹിത് ശർമ്മയ്ക്ക് ഓഫ് സ്റ്റമ്പിന്റെ പുറത്തുള്ള ഡെലിവറികളിലൂടെ ബുദ്ധിമുട്ടുകൾ ഉണ്ടാക്കിയപ്പോൾ മഹ്മൂദ് അച്ചടക്കത്തോടെയുള്ള സമീപനത്തിൽ ഉറച്ചുനിന്നു, സ്ഥിരമായി ഓഫ്-സ്റ്റംപ് ലൈനിനെ ലക്ഷ്യമാക്കി ഇന്ത്യൻ ക്യാപ്റ്റനെ പിഴവുകളിലേക്ക് നിർബന്ധിച്ചു.
ആറാം ഓവറിൽ മഹ്മൂദിൻ്റെ സ്ഥിരോത്സാഹത്തിന് ഫലമുണ്ടായത്, രോഹിതിനെ 6 റൺസിന് സ്ലിപ്പിലെ തകർപ്പൻ ക്യാച്ചിലൂടെ നജ്മുൽ ഹുസൈൻ ഷാൻ്റോ പുറത്താക്കിയപ്പോൾ താരത്തിന് നേടാനായത് 6 റൺസ് മാത്രം. ശേഷം ബോളിങ് ട്രാക്കിൽ സ്ഥിരമായി നിരാശപെടുത്താറുള്ള ഗിൽ താരത്തിന് തന്നെ ഇരയായി പൂജ്യനായി മടങ്ങി. 2023 ന് ശേഷം ആദ്യമായി ഇന്ത്യൻ ടെസ്റ്റ് ടീമിലേക്ക് മടങ്ങിയെത്തിയ വിരാട് കോഹ്‌ലി, ഏതാനും ആധികാരിക ഷോട്ടുകൾ ഉപയോഗിച്ച് തൻ്റെ ഇന്നിംഗ്‌സ് ആരംഭിച്ചു, ആക്രമണം എതിരാളികളിലേക്ക് എത്തിക്കുക എന്ന ഉദ്ദേശത്തോടെയാണെന്ന് താരം തുടങ്ങിയത്. ലെഗ് സൈഡിൽ അദ്ദേഹം ഗംഭീരമായ ചില സ്ട്രോക്കുകൾ കളിച്ചു.
എന്നിരുന്നാലും, ഓഫ് സ്റ്റമ്പിന് പുറത്തുള്ള പന്തുകൾക്കെതിരെ കോഹ്‌ലിയുടെ ബുദ്ധിമുട്ടുകൾ താരത്തെ ഇന്നും വേട്ടയാടി. മഹമൂദ്, തൻ്റെ ലൈനിൽ അച്ചടക്കമുള്ളവനായി പന്തെറിഞ്ഞപ്പോൾ കോഹ്‌ലിയെ ആ കെണിയിലേക്ക് നയിക്കുക ആയിരുന്നു അദ്ദേഹം. വിക്കറ്റ് കീപ്പർ ലിറ്റൻ ദാസ് തന്നെയാണ് ക്യാച്ച് എടുത്ത് മടക്കിയത്. ബംഗ്ലാദേശിന് എതിരായ അവസാന ടെസ്റ്റുകളിൽ പലതിലും തീർത്തും നിരാശയപ്പെടുത്തിയ കോഹ്‌ലി 1 , 19, 24, 1 , 6 ഇതാണ് അവസാന 5 ഇന്നിങ്സിൽ ബംഗ്ലാദേശിന് എതിരെ വിരാടിന്റെ സ്‌കോറുകൾ