അടുത്തിടെ മെൽബൺ എയർപോർട്ടിൽ വെച്ച് ഓസ്‌ട്രേലിയൻ മാധ്യമപ്രവർത്തകയായ നാറ്റ് യോനിഡിസുമായി വാക്കേറ്റം ഉണ്ടായ സംഭവത്തെ തുടർന്ന് ഇന്ത്യൻ സൂപ്പർ താരം വിരാട് കോഹ്‌ലി ഓസ്‌ട്രേലിയൻ മാധ്യമങ്ങളിൽ നിന്ന് ചോദ്യങ്ങൾ നേരിടുകയാണ്. ചാനൽ നൈനിലെ ടോണി ജോൺസ് വിരാട് കോഹ്‌ലിയെ ഒരു “ബുൾ” എന്ന് വിശേഷിപ്പിക്കുകയും വാക്കേറ്റത്തിൽ ചാനൽ 7 റിപ്പോർട്ടറെ ശകാരിച്ചതിന് അദ്ദേഹത്തെ ആക്ഷേപിക്കുകയും ചെയ്തു.
ശനിയാഴ്ച, ബോക്‌സിംഗ് ഡേ ടെസ്റ്റിനായി മെൽബണിൽ കുടുംബസമേതം എത്തിയ വിരാട് കോഹ്‌ലി തന്റെ കുട്ടികളുടെയും തന്റെയും ചിത്രങ്ങൾ എടുത്തതിന് മാധ്യമങ്ങളോട് തട്ടിക്കയറി. തന്റെ സ്വകര്യതയെ മാനിക്കണം എന്നായിരുന്നു കോഹ്‌ലി പറഞ്ഞത്. എന്നാൽ പിന്നീട് ഇത് ഒരു തെറ്റിദ്ധാരണ ആണെന്ന് തെളിഞ്ഞു. മാധ്യമങ്ങൾ കോഹ്‌ലിയുടെ കുട്ടികളുടെ ചിത്രം എടുത്തിരുന്നില്ല.
മെൽബൺ വിമാനത്താവളത്തിൽ കോഹ്‌ലിയുടെ മക്കളുടെ ചിത്രം എടുത്തില്ലെന്ന് ചാനൽ 7 ഉം ചാനൽ 9 ഉം സ്ഥിരീകരിച്ചു. കോഹ്‌ലിയുടെ ഇതിനിടയിൽ കോഹ്‌ലിയെ തള്ളി ടോണി ജോൺസ് രംഗത്തെത്തി. പൊതു വ്യക്തികളുടെ ദൃശ്യങ്ങൾ പകർത്തുന്നതിലൂടെ റിപ്പോർട്ടർമാർ അവരുടെ ജോലി ചെയ്യുകയായിരുന്നുവെന്ന് ജോൺസ് വിശദീകരിച്ചു.
ക്യാമറകൾ തന്നിലേക്ക് ഫോക്കസ് ചെയ്തതിൽ വിരാട് കോഹ്‌ലി അസ്വസ്ഥനായിരുന്നുവെന്ന് ടോണി ജോൺസ് പറഞ്ഞു. സൂപ്പർ സ്റ്റാറുകൾ വരുമ്പോൾ സാധാരണ മാധ്യമങ്ങൾ ചെയ്യുന്നത് മാത്രമേ ഞങ്ങളും ചെയ്തോള്ളൂ. എന്തായാലും കോഹ്‌ലി ” ബുൾ” സ്വഭാവമാണ കാണിച്ചത് . അവൻ തട്ടിക്കയറിയത് ഒരു വനിതാ റിപോർട്ടറിനോട് തട്ടിക്കയറി ഷോ കാണിച്ചതാണ് എന്നും ടോണി ജോൺസ് പറഞ്ഞു.