കരുത്തരായ ദക്ഷിണാഫ്രിക്കയ്ക്ക് എതിരേ ടെസ്റ്റ് പരമ്പരയ്ക്ക് പിന്നാലെ മൂന്ന് മത്സരങ്ങളുടെ ഏകദിനവും പ്ലാനിട്ടിരിക്കുന്ന ഇന്ത്യയ്ക്ക്് മറ്റൊരു തിരിച്ചടി കൂടി. ഓഫ് സ്പിന്നര്‍ വാഷിംഗ്ടണ്‍ സുന്ദറിന് കോവിഡ്. ഏകദിന പരമ്പരയ്ക്കായി താരം തയ്യാറെടുക്കുമ്പോഴാണ് നടത്തിയ ടെസ്റ്റില്‍ കോവിഡ് പോസിറ്റീവായി കണ്ടെത്തിയത്.
താരത്തെ ഐസൊലേഷനില്‍ പ്രവേശിപ്പിച്ചു. വാഷിംഗ്ടണ്‍ സുന്ദറിന് പകരം സ്പിന്നറും ഓള്‍റൗണ്ടറുമായ ജയന്ത് യാദവിനെ പകരം ടീമില്‍ ഉള്‍പ്പെടുത്താനാണ് തീരുമാനം. നിലവില്‍ ജയന്ത് യാദവ് ടീമിനൊപ്പമുണ്ട്് ്കഴിഞ്ഞ മാര്‍ച്ച് മുതല്‍ വാഷിംഗ്ടണ്‍ സുന്ദര്‍ ടീമിന് പുറത്താണ്. പരിക്കൂമൂലം ടീമില്‍ നിന്നും വിട്ടു നിന്ന താരം പക്ഷേ വിജയ് ഹസാരേ ട്രോഫിയില്‍ കളിച്ചിരുന്നു.
ഈ മാസം അവസാനത്തോടെയാണ് ഇന്ത്യ ദക്ഷിണാഫ്രിക്കയ്ക്ക് എതിരേ ഏകദിന പരമ്പയ്ക്കായി ഇറങ്ങുക. കെ.എല്‍. രാഹുലിന് കീഴിലാണ് ടീം ഇന്ത്യ ഏകദിന പരമ്പരയ്ക്ക്് ഇറങ.ങുന്നത്. ഏകദിനത്തിനായുള്ള ടീം ബുധനാഴ്ചയാണ് ഇന്ത്യ വിടുന്നത്.