വിരാട് കോഹ്‌ലിയെയും രോഹിത് ശർമ്മയെയും പോലുള്ള മുതിർന്ന താരങ്ങൾക്ക് പരിക്കും ജോലിഭാരവും ഇല്ലെങ്കിൽ അവർ ഉൾപ്പടെ ഏകദിനലോകകപ്പിനുള്ള ടീമിൽ സ്കീമിലുള്ള ഇന്ത്യൻ ക്രിക്കറ്റ് താരങ്ങൾ ഐപിഎല്ലിൽ മത്സരിക്കുമെന്ന് പറയുകയാണ് പരിശീലകൻ രാഹുൽ ദ്രാവിഡ്. സ്വന്തം മണ്ണിൽ വരാനിരിക്കുന്ന ഏകദിന ലോകകപ്പ് മുൻനിർത്തി പ്രാധാന്യം നൽകുക ഏകദിനങ്ങൾക്ക് തന്നെ ആയിരിക്കും.
വർക്ക് ലോഡ് മാനേജ്മെന്റ് എന്നത് ഇന്നത്തെ കളിയുടെ ഭാഗവും ഭാഗവുമാണ്. ഈ കാര്യങ്ങൾ ഞങ്ങൾ അവലോകനം ചെയ്യുന്നത് തുടരും. ടി20 പരമ്പരയിൽ ഞങ്ങളുടെ ചില താരങ്ങൾക്ക് (രോഹിത്, വിരാട്, കെ‌എൽ) നൽകിയ ഇടവേളയെ നിങ്ങൾ വർക്ക് ലോഡ് മാനേജ്മെന്റ് എന്ന് വിളിക്കും, ”ന്യൂസിലൻഡിനെതിരായ മൂന്നാം ഏകദിനത്തിന് മുന്നോടിയായുള്ള മാധ്യമ സമ്മേളനത്തിൽ പിടിഐയുടെ ചോദ്യത്തിന് ദ്രാവിഡ് മറുപടി നൽകി.
“ഇഞ്ചുറി മാനേജ്‌മെന്റും വർക്ക്‌ലോഡ് മാനേജ്‌മെന്റും രണ്ട് വ്യത്യസ്ത സംഭവങ്ങളാണ്. ഞങ്ങൾ കളിക്കുന്ന ക്രിക്കറ്റിന്റെ അളവ് കണക്കിലെടുത്ത് ഇത് രണ്ടും തമ്മിൽ ഒരു ബാലൻസ് വേണം. അത് ഇല്ലെങ്കിൽ ഒന്നും ശരിയാകില്ല.
ഏകദിന ലോകകപ്പിനുള്ള “ടാർഗെറ്റഡ്” കളിക്കാർ ഐപിഎൽ കളിക്കുമെന്നും അത് അവരുടെ ടി20 കഴിവുകൾ വിലയിരുത്താൻ സഹായിക്കുമെന്നും അദ്ദേഹം കൂട്ടിച്ചേർത്തു.
“ഐ‌പി‌എല്ലിന്റെ കാര്യത്തിൽ, എൻ‌സി‌എയും ഞങ്ങളുടെ മെഡിക്കൽ ടീമും ഫ്രാഞ്ചൈസികളുമായി നിരന്തരം സമ്പർക്കം പുലർത്തുന്നു, എന്തെങ്കിലും പ്രശ്‌നങ്ങളോ പരിക്കുകളോ ഉണ്ടെങ്കിൽ ഞങ്ങൾ അവരുമായി ബന്ധപ്പെടുന്നു. കളിക്കാർക്ക് പരിക്കോ മറ്റ് ആശങ്കകളോ തുബ്ദേങ്കിൽ ബിസിസിഐ തീർച്ചയായിട്ടും അവരെ പിൻവലിക്കും.”