ഐപിഎലിൽ ഇന്നലെ നടന്ന മത്സരത്തിൽ ചെന്നൈക്കെതിരെ മുംബൈ ഇന്ത്യൻസിന് 9 വിക്കറ്റിന്റെ തകർപ്പൻ ജയം. മുംബൈക്കായി രോഹിത് ശർമ്മയും, സൂര്യകുമാർ യാദവും തിളങ്ങി. രോഹിത് 45 പന്തുകളിൽ നിന്നായി 4 ഫോറും 6 സിക്സറുമടക്കം 76* റൺസ് നേടി. സൂര്യകുമാർ ആകട്ടെ 30 പന്തുകളിൽ നിന്നായി 6 ഫോറും 5 സിക്സറുമടക്കം 68* റൺസാണ് നേടിയിരിക്കുന്നത്.
മുംബൈക്കതിരെ ചെന്നൈ 177 റൺസ് വിജയലക്ഷ്യം പടുത്തുയർത്തിയിരുന്നു. ചെന്നൈക്കായി രവീന്ദ്ര ജഡേജ 35 പന്തുകളിൽ നിന്നായി 4 ഫോറും 2 സിക്സറുമടക്കം 53 റൺസ് നേടി. കൂടാതെ ശിവം ദുബൈ 32 പന്തുകളിൽ നിന്നായി 4 സിക്‌സറും 2 ഫോറും അടക്കം 50 റൺസ് നേടി. കൂടാതെ ആയുഷ് മഹ്‌ത്രെ 32 റൺസ് നേടി ഭേദപ്പെട്ട പ്രകടനം കാഴ്ച് വെച്ചു. എന്നാൽ രചിൻ രവീന്ദ്ര (5), ഷായ്ക്ക് റഷീദ് (19) എം എസ് ധോണി (4) എന്നിവർ നിറം മങ്ങി. മത്സരത്തിലെ തോൽവിക്ക് ശേഷം എം എസ് ധോണി സംസാരിച്ചു.
എം എസ് ധോണി പറയുന്നത് ഇങ്ങനെ:
” നമ്മൾ വിജയിക്കുന്നത് നല്ല ക്രിക്കറ്റ് കളിക്കുന്നതുകൊണ്ടാണ്, അതേ സമയം നമ്മൾ നല്ല ക്രിക്കറ്റ് കളിക്കാത്തപ്പോൾ അതിനെക്കുറിച്ച് അമിതമായി വികാരാധീനരാകാതിരിക്കുകയാണ് വേണ്ടത്. 2020 ഞങ്ങൾക്ക് മികച്ചതായിരുന്നില്ല എന്നാൽ നമ്മൾ ശരിയായ രീതിയിലുള്ള ക്രിക്കറ്റ് കളിക്കുന്നുണ്ടോ ഇലയ്യോ എന്ന് നോക്കുന്നതിലാണ് കാര്യം”
എം എസ് ധോണി തുടർന്നു:
Read more
” നമ്മൾ വിജയിക്കേണ്ട എല്ലാ ഗെയിമുകളും മുന്നിലുള്ളതിനാൽ, ഓരോ മത്സരവും ഓരോ മത്സരമായി ഏറ്റെടുക്കുക മാത്രമാണ് ഞങ്ങൾ ചെയ്യുന്നത്, കുറച്ച് തോറ്റാൽ, അടുത്ത വർഷത്തേക്ക് ശരിയായ കോമ്പിനേഷൻ നേടുക എന്നതാണ് ഞങ്ങൾക്ക് പ്രധാനം” എം എസ് ധോണി പറഞ്ഞു.
