പെർത്തിൽ ഫീൽഡിംഗ് പരിശീലനത്തിനിടെ ഇന്ത്യയുടെ മധ്യനിര ബാറ്റ്‌സ്മാൻ സർഫറാസ് ഖാൻ്റെ തമാശ നിമിഷം സഹതാരങ്ങളായ വിരാട് കോഹ്‌ലിക്കും ഋഷഭ് പന്തിനും ചിരി പടർത്തി. സർഫറാസ് ഖാനും വിരാട് കോലിയും ഋഷഭ് പന്തും ഉൾപ്പെടുന്ന പരിശീലനത്തിൽ ഒരു വീഡിയോ ഇപ്പോൾ സോഷ്യൽ മീഡിയ ഏറ്റെടുത്തിരിക്കുകയാണ്.
ഓസ്‌ട്രേലിയക്കെതിരായ ആദ്യ ടെസ്റ്റ് മത്സരത്തിന് മുന്നോടിയായി ഇന്ത്യ ഇപ്പോൾ WACA യിൽ പരിശീലനത്തിലാണ്. നവംബർ 22 വെള്ളിയാഴ്ച മുതൽ പെർത്തിലെ ഒപ്‌റ്റസ് സ്റ്റേഡിയത്തിലാണ് ആദ്യ ടെസ്റ്റ്. പരമ്പരയിലെ ആദ്യ മത്സരത്തിൽ ഇന്ത്യൻ ക്യാപ്റ്റൻ രോഹിത് ശർമ്മയും ടോപ്പ് ഓർഡർ ബാറ്റർ ശുഭ്‌മാൻ ഗില്ലും ഇല്ലെന്നത് എടുത്തുപറയേണ്ടതാണ്.
ഒരു പരിശീലന സെഷനിൽ, സർഫറാസ് ഖാൻ, വിരാട് കോഹ്‌ലി, ഋഷഭ് പന്ത്, ധ്രുവ് ജുറൽ എന്നിവരുൾപ്പെടെ ഒരു കൂട്ടം ഇന്ത്യൻ താരങ്ങൾ ക്യാച്ചിങ് പ്രാക്റ്റീസ് നടത്തുക ആയിരുന്നു.
സോഷ്യൽ മീഡിയയിൽ വൈറലായ ഒരു വീഡിയോയിൽ, സർഫറാസ് തികച്ചും അസാധാരണമായ രീതിയിൽ ക്യാച്ച് എടുക്കാൻ ശ്രമിച്ചതിൽ നിന്നനാണ് താരങ്ങൾ ചിരി തുടങ്ങിയത്. വിരാട് കോഹ്‌ലിയും പന്തുമായിരുന്നു താരത്തെ കളിയാക്കി ചിരിക്കാൻ മുന്നിൽ. അതേസമയം ആദ്യ ടെസ്റ്റിൽ സർഫ്രാസ് കളിക്കാൻ സാധ്യത ഇല്ല. ജുറൽ ആയിരിക്കും താരത്തിന്റെ സ്ഥാനത്ത് ഇറങ്ങുക.