രോഹിത് ശര്‍മ്മ ചെറിയ ഫോര്‍മാറ്റില്‍നിന്ന് വിരമിച്ചതിന് തൊട്ടുപിന്നാലെയാണ് സൂര്യകുമാര്‍ യാദവ് ഇന്ത്യന്‍ ടീമിന്റെ ടി20 ക്യാപ്റ്റന്‍സി സ്ഥാനത്തേക്ക് ഉയര്‍ന്നത്. അതിനുശേഷം, ശ്രീലങ്കയ്ക്കും ബംഗ്ലാദേശിനുമെതിരെ ഇന്ത്യയെ 3-0 ന് പരമ്പര വിജയത്തിലേക്ക് നയിച്ചു. അങ്ങനെയിരിക്ക അടുത്തിടെ സൂര്യകുമാര്‍ ടെസ്റ്റ് ടീമിലേക്ക് തിരിച്ചുവരാനുള്ള തന്റെ ആഗ്രഹം പരസ്യമാക്കി.
2023 ഫെബ്രുവരിയില്‍ ഓസ്ട്രേലിയയ്ക്കെതിരെയാണ് അദ്ദേഹം തന്റെ ഏക ടെസ്റ്റ് കളിച്ചത് എന്നത് ശ്രദ്ധിക്കേണ്ടതാണ്. അന്ന് നാഗ്പൂരില്‍ കളിച്ച ഏക ടെസ്റ്റില്‍ എട്ട് റണ്‍സിന് നഥാന്‍ ലിയോണ്‍ അദ്ദേഹത്തെ പുറത്താക്കി. അതിനുശേഷം, വലംകൈയ്യന്‍ ബാറ്റര്‍ ടീമില്‍ നിന്നുള്ള തിരിച്ചുവരവിനായി കാത്തിരിക്കുകയാണ്.
ദക്ഷിണാഫ്രിക്കയ്ക്കെതിരെ ഇന്ത്യന്‍ ടീമിനെ നയിക്കാന്‍ തയ്യാറെടുക്കുമ്പോള്‍ സൂര്യകുമാര്‍ ടെസ്റ്റ് ഫോര്‍മാറ്റിലെ തന്റെ തിരിച്ചുവരവിന്റെ സാധ്യതയെക്കുറിച്ച് ശുഭാപ്തിവിശ്വാസം പ്രകടിപ്പിച്ചു. സമയമാകുമ്പോള്‍ താന്‍ ടെസ്റ്റില്‍ തിരിച്ചെത്തുമെന്ന് സൂര്യകുമാര്‍ പറഞ്ഞു.
സമയമാകുമ്പോള്‍ ഞാന്‍ ഒരു ടെസ്റ്റ് തിരിച്ചുവരവ് നടത്തും. ഞാന്‍ എല്ലാ ആഭ്യന്തര ടൂര്‍ണമെന്റുകളും കളിക്കുന്നു, അത് റെഡ്-ബോളോ വൈറ്റ്-ബോളോ ആകട്ടെ. ഒരു കളിയും എനിക്ക് നഷ്ടമാകുന്നില്ല. എല്ലാം നന്നായി വരുകയാണെങ്കില്‍, അത് സംഭവിക്കും, ”സൂര്യകുമാര്‍ പറഞ്ഞു.