നീ എന്തിനാ മോനെ ഇത്ര പെട്ടെന്ന് വിരമിച്ചേ, ഫയർ ബ്രാൻഡ് ക്രിക്കറ്റിലൂടെ റാഷിദ് ഖാനെ തകർത്തെറിഞ്ഞ് പഴയ വെടിക്കെട്ട് വീരൻ; വീഡിയോ വൈറൽ

By
സ്പോര്‍ട്സ് ഡെസ്ക്
|

അന്താരാഷ്ട്ര ക്രിക്കറ്റിൽ നിന്ന് വിരമിച്ചിട്ടും ലോകമെമ്പാടുമുള്ള വൈറ്റ് ബോൾ ലീഗുകളിൽ കീറോൺ പൊള്ളാർഡ് ഇപ്പോഴും അതിശക്തമായി തുടരുകയാണ്. ദ ഹൺഡ്രഡ് മത്സരത്തിനിടെ റാഷിദ് ഖാനെ പൊള്ളാർഡ് തുടർച്ചയായി അഞ്ച് സിക്‌സറുകൾ പറത്തിയാണ് ലോകത്തിന് മുന്നിൽ തന്റെ ഫയർ ബ്രാൻഡ് ഒന്ന് കൂടി ഉറപ്പിച്ചത്. സതേൺ ബ്രേവിൻ്റെ പൊള്ളാർഡ് ട്രെൻ്റ് റോക്കറ്റ്‌സിൻ്റെ റാഷിദിനെതിരെ ആണ് ആക്രമണം അഴിച്ചുവിട്ടത്. ഓഗസ്റ്റ് 10 ന് സതാംപ്ടണിലെ റോസ് ബൗളിൽ ഒരു പന്ത് ശേഷിക്കെ 127 റൺസ് പിന്തുടരാൻ പൊള്ളാർഡിൻ്റെ പ്രകടനം ടീമിനെ സഹായിച്ചു.

റാഷിദ് തൻ്റെ ആദ്യ 15 പന്തുകളിൽ ഒരു വിക്കറ്റ് മാത്രം വിട്ടുകൊടുത്ത് 10 റൺസ് മാത്രം വഴങ്ങി ശക്തനായി നിലനിൽക്കുക ആയിരുന്നു. 20 പന്തിൽ 49 റൺസ് വേണ്ടിയിരുന്നപ്പോൾ പൊള്ളാർഡ് ഖാൻ്റെ അതുവരെയുള്ള മികച്ച കണക്കുകൾ നശിപ്പിക്കുകയും കളി തൻ്റെ ടീമിന് അനുകൂലമാക്കുകയും ചെയ്തു. അദ്ദേഹത്തിൻ്റെ വമ്പൻ അടി കളി ടീമിന് അനുകൂലമാക്കി.

എന്നാൽ പൊള്ളാർഡിന് തൻ്റെ ടീമിൽ വലിയ മതിപ്പുണ്ടായില്ല. “ഇനിയും ഇത്തരമൊരു അവസ്ഥയിലേക്ക് നമ്മൾ എത്തില്ലെന്ന് പ്രതീക്ഷിക്കുന്നു, അദ്ദേഹം പറഞ്ഞു.

റാഷിദ് ഖാനെക്കുറിച്ച് താരം പറഞ്ഞത് ഇങ്ങനെ. “ഞാൻ അവനെതിരെ ഒരുപാട് കളിച്ചിട്ടുണ്ട്, അവൻ്റെ ലൈനിനെയും ലെങ്തിനെയും കുറിച്ച് എനിക്കറിയാം. ഞാൻ എന്നെത്തന്നെ പിന്താങ്ങി, ഫലം ലഭിച്ചു. എന്നാൽ റാഷിദ് ലോകോത്തര ബൗളറാണ്. ഞങ്ങൾ പരസ്പരം ഒരുപാട് ഏറ്റുമുട്ടിയിട്ടുണ്ട് ”അദ്ദേഹം കൂട്ടിച്ചേർത്തു.