ഐപിഎല്ലിൽ ചെന്നൈ സൂപ്പര്‍ കിംഗ്സിനെ 13 റണ്‍സിന് കീഴടക്കി റോയല്‍ ചലഞ്ചേഴ്സ് ബാംഗ്ലൂര്‍ പ്ലേ ഓഫ് പ്രതീക്ഷകൾ നിലനിർത്തി . ആദ്യം ബാറ്റ് ചെയ്ത് ബാംഗ്ലൂര്‍ ഉയര്‍ത്തിയ 174 റണ്‍സ് വിജയലക്ഷ്യം പിന്തുടര്‍ന്ന ചെന്നൈക്ക് 20 ഓവറില്‍ 8 വിക്കറ്റ് നഷ്ടത്തില്‍ 160 റണ്‍സെടുക്കാനെ കഴിഞ്ഞുള്ളു. എന്നാൽ ഏഴാം തോൽവിയോടെ ചെന്നൈയുടെ പ്രതീക്ഷകൾ മങ്ങി. മത്സരത്തിന് പിന്നാലെ ബാംഗ്ലൂർ താരം ഗ്ലെൻ മാക്സ്‌വെലും വിരാട് കോഹ്‌ലിയും തമ്മിലുള്ള ഉള്ള സംഭാഷണം ചിരിപടർത്തി.
മത്സരത്തിൽ മാക്സ്വെൽ മൂന്നു റൺസുമായി റണ്ണൗട്ടാകുകയായിരുന്നു. കൊഹ്‌ലോ ആയിരുന്നു ആ സമയത്ത് അപ്പുറത്തെ എൻഡിൽ ഉണ്ടായിരുന്നത്.
‘എനിക്ക് നിങ്ങളോടൊപ്പം ബാറ്റു ചെയ്യാൻ കഴിയില്ല. നിങ്ങൾ വളരെ വേഗത്തിൽ ഓടുന്നു, വളരെ വേഗത്തിൽ. നിങ്ങൾക്ക് ഒരു റൺസും രണ്ടു റൺസുമൊക്കെ ലഭിക്കും, എനിക്കില്ല.’– ആർസിബി പങ്കുവച്ച വിഡിയോയിൽ മാക്സ്വെൽ പറയുന്നു.’
ഇന്നലത്തെ മത്സരത്തിലും കോഹ്‌ലിയുടെ മെല്ലപ്പോക്ക് ചർച്ചാവിഷയമായി. മത്സരം ജയിച്ചാൽ മാത്രം ട്രോളുകളിൽ നിന്ന് രക്ഷപെട്ടു എന്ന് മാത്രം.
എന്തായാലും ഇനിയുള്ള മത്സരങ്ങൾ ജയിച്ചാൽ മാത്രമേ പ്ലേ ഓഫിൽ എത്താൻ ബാംഗ്ലൂരിന് സാധിക്കൂ.