ഓസ്‌ട്രേലിയയ്‌ക്കെതിരായ ബോർഡർ ഗവാസ്കർ ട്രോഫിയിൽ സ്റ്റമ്പിന് പിന്നിൽ ഋഷഭ് പന്തിന്റെ സാന്നിധ്യം ഇന്ത്യൻ ടീമിന് നഷ്ടമായാലും, ടെസ്റ്റ് മത്സരത്തിൽ ഒരിക്കലും വിരസമായ ഒരു നിമിഷം ഉണ്ടാകില്ലെന്ന് ഉറപ്പിക്കാൻ വിരാട് കോഹ്ലി ഉള്ളപ്പോൾ ആർക്കും അത്തരത്തിൽ ഒരു വിരസമായ നിമിഷം തോന്നില്ല എന്നുറപ്പാണ്.
അങ്ങനെ ഒരു സംഭവം ഇന്നലെയും ഉണ്ടായി..സ്‌കോർ 100/3 എന്ന നിലയിൽ ഓസ്‌ട്രേലിയൻ ഇന്നിംഗ്‌സിന്റെ 29-ാം ഓവറിൽ ഉസ്മാൻ ഖവാജയും ട്രാവിസ് ഹെഡുമാണ് ക്രീസിൽ. അപ്പോഴാണ് സ്റ്റംപ് മൈക്ക് കോഹ്‌ലിയെ പിടിച്ചത്. അശ്വിന്റെ ഒരു പന്തിൽ ഖവാജ ഷോട്ട് കളിക്കാൻ ശ്രമിച്ചപ്പോൾ ആയിരുന്നത് . ഫസ്റ്റ് സ്ലിപ്പിൽ കോഹ്ലി അശ്വിനോട് ഇങ്ങനെ പറഞ്ഞു: “ആഷ്… യേ ബോൾ മാർ രഹ താ യേ (ആഷ്… അവൻ ആ പന്ത് അടിക്കാൻ പോകുകയായിരുന്നു)”.
കോഹ്ലി പറഞ്ഞതിന്റെ അർഥം തനിക്ക് മനസിലായി എന്നാണ് ഖവാജ ആ ബോളിന് ശേഷം കോഹ്‌ലിയോട് പറഞ്ഞത്. ഖവാജയുടെ ജനനം പാകിസ്താനിലാണ് എന്ന് മനസിലാക്കിയ കോഹ്ലി തനിക്ക് പറ്റിയ അബദ്ധം ഓർത്ത് ചിരിക്കുക ആയിരുന്നു. ഖവാജയും അതിനൊപ്പം ചേർന്നതോടെ കമന്ററി പാനലും കോഹ്‌ലിക്കൊപ്പം ചേർന്നു.