ഇന്ത്യൻ ക്രിക്കറ്റ് കൺട്രോൾ ബോർഡിൻ്റെ സെൻട്രൽ കോൺട്രാക്ട് വന്നപ്പോൾ തന്നെ ഒഴിവാക്കിയതിന് എതിരെ ശ്രേയസ് അയ്യർ ഒടുവിൽ മൗനം വെടിഞ്ഞു. സെക്രട്ടറിയും ചീഫ് സെലക്ടറുമായ ജയ് ഷായും അജിത് അഗാർക്കറുമാണ് ഈ കാര്യത്തിൽ തീരുമാനമെടുത്തത്. റിപ്പോർട്ടുകൾ പ്രകാരം അയ്യർ രഞ്ജി ട്രോഫി സെമി ഫൈനൽ കളിക്കാൻ വിസമ്മതിക്കുകയും പകരം മുംബൈയിൽ കൊൽക്കത്ത നൈറ്റ് റൈഡേഴ്സിൻ്റെ പ്രീ-സീസൺ ക്യാമ്പിൽ പങ്കെടുക്കുകയും ചെയ്തു. അദ്ദേഹത്തെ ശിക്ഷിക്കാൻ ബിസിസിഐ തീരുമാനിക്കുകയും പുതിയ കരാർ നൽകുകയും ചെയ്തില്ല.
എന്നിരുന്നാലും, ആ സമയത്ത് നടുവ് വേദന കാരണം ബുദ്ധിമുട്ടിയ അയ്യർ ആ കാരണത്താലാണ് സെമിഫൈനൽ കളിക്കാതിരുന്നത്. രഞ്ജി ട്രോഫിയുടെ ഫൈനലിൽ കളത്തിൽ ഇറങ്ങിയ വലംകൈയ്യൻ ബാറ്റർ മുംബൈയെ മറ്റൊരു കിരീടത്തിലേക്ക് നയിക്കാൻ സഹായിച്ചു.
ശേഷം ഐപിഎൽ 2024-ൽ -കൊൽക്കത്തയെ അവരുടെ മൂന്നാം കിരീടത്തിലേക്ക് നയിച്ചു. ക്യാപ്റ്റനെന്ന നിലയിൽ അയ്യർ തിളങ്ങി, 17-ാം സീസണിൻ്റെ ഫൈനലിൽ കൊൽക്കത്ത സൺറൈസേഴ്സ് ഹൈദരാബാദിനെ തോൽപിച്ചു. ഇപ്പോഴിതാ വിഷയത്തിൽ ശ്രേയസ് പറയുന്നത് ഇങ്ങനെയാണ് “എനിക്ക് ഒരു മികച്ച ഏകദിന ലോകകപ്പ് ഉണ്ടായിരുന്നു. എൻ്റെ ശരീരത്തിൽ പ്രവർത്തിക്കാനും ചില മേഖലകളിൽ ശക്തി വർദ്ധിപ്പിക്കാനും ഒരു ഇടവേള എടുക്കാൻ ഞാൻ ആഗ്രഹിച്ചു.
“എന്നിരുന്നാലും, ആശയവിനിമയത്തിൻ്റെ അഭാവം കാരണം, ചില കാര്യങ്ങൾ എന്റെ വഴിക്ക് പോയില്ല. രഞ്ജി ട്രോഫിയും ഐപിഎല്ലും ഒരിക്കൽ ജയിച്ചുകഴിഞ്ഞാൽ അത് മുൻകാലങ്ങളിൽ സംഭവിച്ചതിന് ഉചിതമായ മറുപടിയായിരിക്കുമെന്ന് ഞാൻ തീരുമാനിച്ചു. എന്തായാലും കാര്യങ്ങൾ എല്ലാം എന്റെ വഴിക്ക് തന്നെ പോയി. ഞങ്ങൾക്ക് ഭാവിയിലും ഒരുപാട് കിരീടങ്ങൾ നേടേണ്ടതായിട്ട് ഉണ്ട്.” താരം തന്റെ വാക്കുകൾ അവസാനിപ്പിച്ചു.
എന്തായാലും ലോകകപ്പിന് ശേഷം പുതിയ പരിശീലകനായി ഗംഭീർ എത്തിയാൽ അത് ശ്രേയസ് അയ്യർക്ക് ഇന്ത്യൻ ടീമിലേക്ക് ഒരു തിരിച്ചുവരവിനും കളം ഒരുക്കും.