ക്രിക്കറ്റ് ദൈവമായ സച്ചിന്റെ പിൻഗാമിയായി പലരും വിധി എഴുതിയ താരമായിരുന്നു പ്രിത്വി ഷാ. എന്നാൽ നിലവിൽ അദ്ദേഹത്തിന് ഇപ്പോൾ മോശമായ സമയമാണുള്ളത്. ഇപ്പോൾ നടന്ന ഐപിഎൽ മെഗാ താരലേലത്തിൽ ഒരു ടീമും അദ്ദേഹത്തെ വാങ്ങാൻ കൂട്ടാക്കിയില്ല. ഓരോ മത്സരത്തിലും അലസനായിട്ടാണ് താരം കളിക്കുന്നത്. വിക്കറ്റുകൾ വലിച്ചെറിഞ്ഞ് കൊടുക്കുകയാണ് അദ്ദേഹം. ഈ കാരണങ്ങളാലാണ് താരത്തെ ഒരു ടീമും എടുക്കാത്തത്.
മുൻ ടീം ആയ ഡൽഹി ക്യാപിറ്റൽസിലെ മാനേജ്‌മന്റ് വരെ അദ്ദേഹത്തിന്റെ പോരായ്മകൾ ചൂണ്ടിക്കാണിച്ച് രംഗത്ത് എത്തിയിരുന്നു. ഇപ്പോൾ കഴിഞ്ഞ രഞ്ജി ട്രോഫിയിൽ നിന്ന് മുംബൈ അദ്ദേഹത്തെ മാറ്റിനിർത്തിയിരുന്നു. ഇപ്പോഴിതാ താരത്തിന് ഉപദേശവുമായി രംഗത്തെത്തിയിരിക്കുകയാണ് ഇംഗ്ലീഷ് ക്രിക്കറ്റ് ഇതിഹാസം കെവിൻ പീറ്റേഴ്സൺ.
കെവിൻ പീറ്റേഴ്സൺ എക്‌സിൽ കുറിച്ചത് ഇങ്ങനെ:
“സ്പോർട്സിന്‍റെ ഏറ്റവും നല്ല കഥകൾ തിരിച്ചുവരവിന്‍റേതാണ്. പൃഥ്വി ഷാക്കൊപ്പം ആളുകളുണ്ടെങ്കിൽ അവനെ ഇരുത്തി, സോഷ്യൽ മീഡിയയിൽ നിന്നും ഇറങ്ങി ഫിറ്റ്നസിന് വേണ്ടി കഠിനമായി പരിശ്രമിക്കാൻ പറയുക. അത് അവനെ വീണ്ടും വിജയവഴിയിലെത്തിക്കും. വെറുതെ കളയുന്ന മികച്ച ടാലന്റാണ് അവൻ. സ്നേഹം, കെ.പി” എന്നാണ് കെവിൻ പീറ്റേഴ്സൺ കുറിച്ചത്.
Read more
ഡൊമസ്റ്റിക് മത്സരങ്ങളിൽ വീണ്ടും മികവ് തെളിയിച്ചാൽ മാത്രമേ താരത്തിന് ഇനിയും ഐപിഎലിലേക്ക് കയറാൻ സാധിക്കു. അതിലൂടെ മാത്രമേ വീണ്ടും ഇന്ത്യൻ നീല കുപ്പായത്തിലേക്കും പ്രിത്വിക്ക് അവസരം ലഭിക്കു.
