പല തരത്തിലുള്ള സിക്സ് ഈ കാലത്ത് കണ്ടിട്ടുള്ളവരാണ് ക്രിക്കറ്റ് പ്രേമികൾ. എന്നാൽ ഇത്തരത്തിൽ ഒന്ന് ഈ അടുത്തെന്ന് അല്ല ജന്മത്തിൽ കണ്ടിട്ട് ഇല്ല എന്നുറപ്പുള്ള ഒരു സിക്സർ ഇന്ന് ഇപ്പോൾ നടക്കുന്ന ഓസ്ട്രേലിയ വെസ്റ്റ് ഇൻഡീസ് മത്സരത്തിലൂടെ ആരാധകർ കണ്ടിരിക്കുന്നത്. ആദ്യ മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിങ്ങിന് ഇറങ്ങിയ വെസ്റ്റിൻഡീസ് ടീമിന് വേണ്ടിയായിരുന്നു കൈൽ മയേഴ്‌സിന്റെ ഈ തകർപ്പൻ സിക്സിന് ലോകം സാക്ഷി ആയത്.
കാമറൂൺ ഗ്രീൻ എറിഞ്ഞ നാലാം ഓവറിലെ മൂന്നാം പന്തിൽ കളിച്ച ഷോട്ട് ക്രിക്കറ്റിൽ അത്യപൂർവമായി മാത്രം കാണാൻ കഴിയുന്ന ഷോട്ട് പിറന്നത്. ഇടംകൈയ്യൻ ബാറ്ററായ അദ്ദേഹം ബാക്ഫൂട്ടിൽ നിന്ന് സ്വീപ്പർ കവറിനു മുകളിലൂടെ ഒരു ചെറിയ പഞ്ച് ഷോട്ട് കളിച്ച പോലെയാണ് തോന്നുക. എന്നാലോ പന്ത് ചെന്ന് വീണത് ഗാലറിയുടെ രണ്ടാം ടയറിൽ. ഗാലറിയിൽ ഒന്നും ആളില്ലാത്ത മത്സരത്തിൽ സിക്സ് എന്തായാലും നിമിഷങ്ങൾക്കുള്ളിൽ വൈറൽ ആയി. ഓപ്പണർ ആയി ഇറങ്ങിയ അദ്ദേഹം 36 പന്തിൽ അഞ്ച് ഫോറും ഒരു സിക്സുമടക്കം 39 റൺസെടുത്ത് പാറ്റ് കമിൻസിന്റെ പന്തിൽ പുറത്തായി.
എന്തായാലും അപൂർവ സിക്സിനും ടീമിനെ രക്ഷിക്കനായില്ല. ആവേശകരമായ മത്സരത്തിൽ ഓസ്ട്രേലിയ 3 വിക്കറ്റിന് ജയിച്ചു.