ഇന്ത്യന്‍ വിക്കറ്റ് കീപ്പര്‍-ബാറ്റര്‍ ഇഷാന്‍ കിഷന് ഹൃദയംഗമമായ ജന്മദിന സന്ദേശം പോസ്റ്റ് ചെയ്ത് ഇന്ത്യന്‍ മുന്‍ താരം യുവരാജ് സിംഗ്. താരത്തിന് ജന്മദിനാശംസകള്‍ നേര്‍ന്ന യുവി അദ്ദേഹം ഉടന്‍ തന്നെ തിരിച്ചെത്തുന്നത് കാണാന്‍ ആഗ്രഹിക്കുന്നുവെന്ന് പറഞ്ഞു.
‘ജന്മദിനാശംസകള്‍. നിങ്ങളുടെ പ്രത്യേക ദിനം ആസ്വദിക്കൂ സുഹൃത്തേ. നിങ്ങള്‍ ഉടന്‍ പ്രവര്‍ത്തനത്തിലേക്ക് തിരികെയെത്തുന്നതു കാണാന്‍ കാത്തിരിക്കുകയാണ്,’ യുവരാജ് തന്റെ ഇന്‍സ്റ്റാഗ്രാം സ്റ്റോറിയില്‍ കുറിച്ചു.
നിലവില്‍ ഇഷാന്‍ കിഷന് ഇന്ത്യന്‍ ടീമിന് പുറത്താണ്. 2023 ലെ അവസാന മാസങ്ങളില്‍ പോലും, കിഷന് വൈറ്റ്-ബോള്‍ ക്രിക്കറ്റില്‍ ഇന്ത്യന്‍ ക്രിക്കറ്റ് ടീമിലെ നിര്‍ണായക അംഗമായിരുന്നു. എന്നാല്‍ കഴിഞ്ഞ വര്‍ഷാവസാനം താരം ദക്ഷിണാഫ്രിക്കന്‍ പരമ്പരയില്‍ നിന്ന് ഇടവേള എടുത്തതും രഞ്ജി ട്രോഫി കളിക്കുന്നത് ഒഴിവാക്കുകയും ചെയ്തത് ബിസിസിഐയെ ചൊടിപ്പിച്ചു.
ഇതിനുപിന്നാലെ താരത്തെ കേന്ദ്ര കരാറില്‍ നിന്ന് ബിസിസിഐ നീക്കം ചെയ്തു. അതിനുശേഷം ഒരു ഫോര്‍മാറ്റിലും താരം ഇന്ത്യന്‍ ടീമില്‍ ഇടംപിടിച്ചിട്ടില്ല. തന്റെ 26-ാം ജന്മദിനത്തില്‍ താരം അനുഗ്രഹം വാങ്ങാന്‍ ഷിര്‍ദിയിലെ ശ്രീ സമാധി മന്ദിര്‍ സന്ദര്‍ശിച്ചു. ഇതിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായിട്ടുണ്ട്.