ഇപ്പോൾ നടന്ന ലോകകപ്പ് യോഗ്യത റൗണ്ടിൽ ഗംഭീര പ്രകടനമാണ് അർജന്റീന ടീം കാഴ്ച വെച്ചത്. ചിലി ആയിട്ടുള്ള മത്സരത്തിൽ എതിരില്ലാത്ത മൂന്ന് ഗോളുകൾക്കാണ് അവർ വിജയിച്ചത്. മെസി, ഡി മരിയ എന്നിവരുടെ അഭാവത്തിലും ടീമിലെ യുവ താരങ്ങൾ മികച്ച പ്രകടനം നടത്തി ടീമിനെ വിജയിപ്പിച്ചിരുന്നു. അന്നത്തെ മത്സരത്തിൽ ഹൂലിയൻ ആൽവരസ് ഒരു ഗോളും ഒരു അസിസ്റ്റും നേടി കൊണ്ട് മത്സരത്തിൽ തിളങ്ങുകയായിരുന്നു.
നിലവിൽ അർജന്റീനൻ ക്യാമ്പിൽ നിന്നും വരുന്ന വിവരങ്ങൾ ഞെട്ടിക്കുന്നതാണ്. ടീമിലെ പ്രധാന താരങ്ങളായ മാക്ക് ആല്ലിസ്റ്റർ, നിക്കോ ഗോൺസാലസ് എന്നിവർക്ക് പരിക്ക് സംഭവിച്ചു. കഴിഞ്ഞ മത്സരത്തിന്റെ ആദ്യ പ്ലെയിങ് ഇലവനിൽ ഉള്ള താരങ്ങളായിരുന്നു അവർ. ഇനിയുള്ള മത്സരങ്ങൾ അവർ കളിക്കുമോ എന്ന കാര്യത്തിൽ ഇത് വരെ ഉറപ്പ് പറയാറായിട്ടില്ല.
മാക്ക് ആല്ലിസ്റ്റർക്ക് തന്റെ അഡക്റ്ററിൽ അസ്വസ്ഥത അനുഭവപ്പെടുകയായിരുന്നു. നിക്കോ ഗോൺസാലസ് ഇന്നലെ പരിശോധനയ്ക്ക് വിധേയമായിട്ടുണ്ട്. എന്നാൽ താരത്തിന്റെ കാര്യത്തിൽ പേടിക്കാൻ ഒന്നുമില്ല. അദ്ദേഹത്തിന്റെ ഹീലിനാണ് വേദന അനുഭവപ്പെടുന്നത്. അതിൽ നിന്നും ഉടൻ തന്നെ മുക്തി നേടും എന്നാണ് ഡോക്ടർമാർ പറയുന്നത്. അടുത്ത മത്സരം കൊളംബിഐക്കെതിരെ ആയിട്ടാണ് നടത്താൻ നിശ്ചയിച്ചിരിക്കുന്നത്. മികച്ച ടീം തന്നെ ആണ് കൊളംബിയ, പക്ഷെ അർജന്റീന മികച്ച ഫോമിലാണ് തുടരുന്നതും.