സ്കോട്ടിഷ് പ്രീമിയർഷിപ്പ് ഭീമൻമാരായ സെൽറ്റിക്കിൻ്റെ ആരാധകർ ഫലസ്തീനോട് ഐക്യദാർഢ്യം പ്രകടിപ്പിച്ചു. ഗസയ്ക്കെതിരായ ഇസ്രായേൽ വംശഹത്യ നടത്തുന്ന യുദ്ധത്തിനെതിരെ അവർ ഒന്നിച്ചു നിലകൊണ്ടു. സ്ലോവൻ ബ്രാറ്റിസ്‌ലാവയ്‌ക്കെതിരെ ഗ്ലാസ്‌ഗോയിൽ ബുധനാഴ്ച രാത്രി യുവേഫ ചാമ്പ്യൻസ് ലീഗ് മത്സരത്തിനിടെ അവർ പലസ്തീൻ അനുകൂല ബാനറുകൾ പ്രദർശിപ്പിച്ചു അവരുടെ പിന്തുണ അറിയിച്ചു.
“അവർക്ക് നിങ്ങളെ അടിച്ചമർത്താൻ കഴിയും, അവർക്ക് നിങ്ങളെ തടവിലാക്കാം, പക്ഷേ അവർ ഒരിക്കലും നിങ്ങളുടെ ആത്മാവിനെ തകർക്കുകയില്ല. ഗസ, ജെനിൻ, തുൽക്കർ, നബ്ലസ്. നിങ്ങൾ ഒരിക്കലും ഒറ്റയ്ക്ക് നടക്കില്ല,” സെൽറ്റിക് പാർക്കിൽ പ്രദർശിപ്പിച്ചിരിക്കുന്ന സെൽറ്റിക് ആരാധകരുടെ ബാനറുകൾ പറഞ്ഞു.
ഫലസ്തീന് നേരെയുള്ള ഇസ്രയേൽ ആക്രമണങ്ങൾക്കെതിരായ തങ്ങളുടെ നിലപാട് വ്യക്തമാക്കാൻ അവർ പലസ്തീൻ പതാകകളും മത്സരത്തിൽ വീശി. ചാമ്പ്യൻസ് ലീഗ് മാച്ച്‌ഡേ ഒന്നിൽ ബ്രണ്ടൻ റോഡ്‌ജേഴ്‌സിൻ്റെ സെൽറ്റിക് സ്ലോവൻ ബ്രാറ്റിസ്‌ലാവയെ 5-1 ന് പരാജയപ്പെടുത്തി യൂറോപ്പിലെ ടോപ്പ്-ടയർ ക്ലബ് മത്സരത്തിന് മികച്ച തുടക്കം കുറിച്ചു.
അടിയന്തര വെടിനിർത്തലിന് ആഹ്വാനം ചെയ്യുന്ന യുഎൻ സെക്യൂരിറ്റി കൗൺസിൽ പ്രമേയം ലംഘിച്ച്, കഴിഞ്ഞ ഒക്‌ടോബർ 7 ന് ശേഷം ഇസ്രായേൽ ഗസയിൽ ക്രൂരമായ ആക്രമണം തുടരുകയാണ്.
ഏകദേശം ഒരു വർഷത്തിനിടെ, ഇസ്രായേലി ആക്രമണങ്ങളിൽ 41,000-ത്തിലധികം ആളുകൾ ഫലസ്തീനിൽ കൊല്ലപ്പെട്ടു. അവരിൽ ഭൂരിഭാഗവും സ്ത്രീകളും കുട്ടികളുമാണ്. 95,500-ലധികം പേർക്ക് പരിക്കേറ്റു.
ഭക്ഷണം, ശുദ്ധജലം, മരുന്ന് എന്നിവയുടെ കടുത്ത ക്ഷാമത്തിലേക്ക് നയിച്ച ഉപരോധത്തിനിടയിൽ ഇസ്രായേലി ആക്രമണം പ്രദേശത്തെ ഏതാണ്ട് മുഴുവൻ ജനങ്ങളെയും വലിയ കെടുത്തിയിലേക്ക് തള്ളി വിട്ടു. ഗാസയിലെ നടപടികളുടെ പേരിൽ ഇസ്രായേൽ വംശഹത്യ ആരോപിച്ച് അന്താരാഷ്ട്ര നീതിന്യായ കോടതിയിൽ കുറ്റാരോപണം നേരിടുന്നു.