നിഷ്പക്ഷർക്ക് ആവേശകരമായിരുന്ന ഞായറാഴ്ച മുംബൈ ഫുട്ബോൾ അരീനയിൽ നടന്ന ഇന്ത്യൻ സൂപ്പർ ലീഗ് മത്സരം കേരള ബ്ലാസ്റ്റേഴ്‌സ് ആരാധകർക്ക് വേദനാജനകമായിരുന്നു. 2-0 ന് പിന്നിലായതിന് ശേഷം സമനില നേടാനുള്ള ശ്രദ്ധേയമായ തിരിച്ചുവരവിന് ശേഷം പത്ത് പേരുള്ള കേരള ബ്ലാസ്റ്റേഴ്സിന് 4-2 എന്ന സ്കോറിന് തോൽവി ഏറ്റുവാങ്ങേണ്ടി വന്നു.
മത്സരത്തിൽ മൂന്ന് പെനാൽറ്റികൾ ലഭിച്ചു, അതിൽ രണ്ടെണ്ണം ആതിഥേയർക്ക് വേണ്ടിയായിരുന്നു. അധികസമയത്ത് (90+1) ലാലിയൻസുവാല ചാങ്‌തെ ഒരു ഗോളടിച്ച് സ്കോർ 4-2 ആക്കി. ക്വാമെ പെപ്ര 2-2ന് സ്കോർ നിൽകുമ്പോൾ റെഡ് കാർഡ് കണ്ടു പുറത്തായതിന് തൊട്ടുപിന്നാലെ നഥാൻ റോഡ്രിഗസ് (75′) രണ്ടാം തവണയും ആതിഥേയരെ മുന്നിലെത്തിച്ചു.
അഡ്രിയാൻ ലൂണയുടെ ഡീപ് ക്രോസ് പെപ്ര ഒരു ഗംഭീര ഹെഡ്ഡറിലൂടെ ഗോൾ വലയിലേക്കെത്തിച്ച്‌ ബ്ലാസ്‌റ്റേഴ്‌സിനെ മത്സരത്തിലേക്ക് തിരികെ കൊണ്ട് വന്നു. എന്നാൽ തൻ്റെ ഗോൾ ആഘോഷിക്കുന്നതിനിടെ ജേഴ്‌സി അഴിച്ചതിന് ബ്ലാസ്റ്റേഴ്സിൻ്റെ ഘാന സ്‌ട്രൈക്കർക്ക് രണ്ടാം മഞ്ഞക്കാർഡ് ലഭിച്ചു. അതോടെ ബ്ലാസ്റ്റേഴ്‌സ് പത്ത് പേരായി ചുരുങ്ങി. കഴിഞ്ഞയാഴ്ച ബെംഗളൂരുവിനോട് ഹോം ഗ്രൗണ്ടിൽ 1-3ന് തോറ്റ ജിമെനെസിൻ്റെ പെനാൽറ്റിയെ സഹായിച്ചതിന് ശേഷം ഈ സീസണിൽ തൻ്റെ രണ്ടാം തുടക്കം നേടിയ മിടുക്കനായ പെപ്രയ്ക്ക് ഇത് ഹൃദയഭേദകമായിരുന്നു.
ബ്ലാസ്റ്റേഴ്സിന്റെ മിന്നും സ്‌ട്രൈക്കർ നോഹ സദൗയി ഇന്ന് രാത്രി കളിച്ചിരുന്നെങ്കിൽ എന്ത് സംഭവിക്കുമായിരുന്നുവെന്ന് ബ്ലാസ്റ്റേഴ്‌സ് ആരാധകർ ചിന്തിച്ചേക്കാം. ഈ സീസണിൽ ബ്ലാസ്റ്റേഴ്സിൻ്റെ ഏറ്റവും മികച്ച കളിക്കാരനായ മൊറോക്കൻ ആക്രമണകാരി, അഞ്ച് മത്സരങ്ങളിൽ നിന്ന് അഞ്ച് ഗോൾ സംഭാവനയുമായി മുന്നിൽ തന്നെയുണ്ട്. ബെംഗളൂരുവിനെതിരായ അവസാന മത്സരം പരിക്കുമൂലം നഷ്ടപെട്ട നോഹക്ക് മുംബൈക്കെതിരായ മത്സരവും നഷ്ട്ടപെട്ടു.