എൽ നാഷനൽ പറയുന്നതനുസരിച്ച്, ലിവർപൂൾ മിഡ്ഫീൽഡർ തിയാഗോ അൽകന്റാര അൽ-നാസറിലേക്ക് ചേക്കേറാൻ ഒരുങ്ങുന്നു. അവിടെ സൂപ്പർതാരം ക്രിസ്റ്റ്യാനോ റൊണാൾഡോ, സാഡിയോ മാനെ എന്നിവരുമായി ക്ലബ്ബിൽ ചേരും. സൗദി പ്രോ ലീഗ് ക്ലബിലേക്കുള്ള സൂപ്പർ താരങ്ങളുടെ ഒഴുക്കിന് യാതൊരു കുറവും ഇല്ലെന്ന് ഈ ട്രാൻസ്ഫാർ വാർത്ത സൂചിപ്പിക്കുന്നു.
പോർച്ചുഗീസ് കോച്ച് ലൂയിസ് കാസ്‌ട്രോയുടെ നേതൃത്വത്തിലുള്ള അൽ-നാസർ, ലീഗ് നേതാക്കളായ അൽ-ഹിലാലിനെ താഴെയിറക്കുക എന്ന ലക്ഷ്യത്തോടെ തങ്ങളുടെ പട്ടികയിൽ മുൻനിര പ്രതിഭകളെ ചേർത്തുകൊണ്ട് കൂടുതൽ താരനിബിഡമായ റിക്രൂട്ട്‌മെന്റ് നടത്തുന്ന ആവേശത്തിലാണ്. നെയ്മർ, കലിഡൗ കൗലിബാലി, സെർജെജ് മിലിങ്കോവിച്ച്-സാവിക്, റൂബൻ നെവ്സ് തുടങ്ങിയ താരങ്ങൾ അൽ-ഹിലാലിൽ എത്തിയതോടെ സൗദി അറേബ്യയുടെ ഫുട്ബോൾ പുതിയ ഉയരത്തിലെത്തി.
2024 ജൂണിൽ അദ്ദേഹത്തിന്റെ കരാർ അവസാനിക്കാനിരിക്കെ, ലിവർപൂളിന് ഒരു പുതുക്കൽ വാഗ്ദാനം ചെയ്യാൻ ഉദ്ദേശമില്ലെന്നാണ് റിപ്പോർട്ട് വരുന്നു. കുറഞ്ഞ തുകയാണെങ്കിലും സാമ്പത്തിക നഷ്ടപരിഹാരം ആവശ്യപ്പെട്ട് തിയാഗോയെ ജനുവരിയിൽ റിലീസ് ചെയ്യാനാണ് പദ്ധതി. തൽഫലമായി, തിയാഗോയുടെ ലക്ഷ്യസ്ഥാനം അൽ-നാസർ.
ലിവർപൂളിലെ മുൻ സഹതാരം സാഡിയോ മാനെ, സ്പാനിഷ് ദേശീയ ടീമിലെ സഹതാരം അയ്മെറിക് ലാപോർട്ടെ എന്നിവരുമായി താരം വീണ്ടും ചേരും. അതുവരെ വലിയ ആകർഷണം ഒന്നും ഇല്ലാതിരുന്ന സൗദി ലീഗിനെ റൊണാൾഡോയുടെ വരവ് ആവേശകരമാക്കി.