പ്രതീക്ഷിച്ച പോലെ തന്നെ, സൂപ്പര്‍ താരം ഇല്ല; ആരാധകര്‍ക്ക് ആശങ്ക

കേരള ബ്ലാസ്റ്റേഴ്‌സ്-എഫ്‌സി ഗോവ മത്സരത്തിന് നിമിഷങ്ങള്‍ മാത്രം ബാക്കിനില്‍ക്കെ ടീമിന്റെ ലൈനപ്പ് പ്രഖ്യാപിച്ചു. ജംഷഡ്പൂരിനെതിരേ നടന്ന മത്സരത്തില്‍ പരിക്കേറ്റ സൂപ്പര്‍ താരം കെസിറോണ്‍ കിസീറ്റോയെ ഉള്‍പ്പെടുത്താത്തെയാണ് ലൈനപ്പ്. ജംഷഡ്പൂരിനെതിരേ തോളിന് പരിക്കേറ്റ താരത്തിന് ആ മത്സരം പൂര്‍ത്തിയാക്കാന്‍ സാധിച്ചിരുന്നില്ല.

അതേസമയം, മധ്യനിരയില്‍ മികച്ച പ്രകടനം കാഴ്ചവെക്കുന്ന കിസിറ്റോ ഇല്ലാതെ ശക്തരായ ഗോവയ്‌ക്കെതിരേ എന്ത് തന്ത്രമാണ് ബ്ലാസ്‌റ്റേഴ്‌സ് ഒരുക്കുവെച്ചിരിക്കുന്നതെന്നാണ് ആരാധകര്‍ ഉറ്റു നോക്കുന്നത്. ഗോള്‍ കീപ്പറായി പോള്‍ റെഹ്ബുക്കയും പ്രതിരോധത്തില്‍ ജിങ്കാന്‍, ബ്രൗണ്‍, റിനോ, ലാല്‍റുത്താര എന്നിവരെയും പെക്കൂസണ്‍, ജാക്കി ചന്ദ് സിങ്്, മിലന്‍ സിങ്്, സിയാം ഹങ്കല്‍ എന്നിവരെ മധ്യനിരയിലും ഹ്യൂം, വിനീത് സഖ്യത്തെ മുന്നേറ്റ നിരയിലുമാണ് ഗോവയ്‌ക്കെതിരേ പരിശീലകന്‍ ഡേവിഡ് ജെയിംസ് വിന്യസിച്ചിരിക്കുന്നത്.

പെക്കൂസണോടൊപ്പം മധ്യനിരയില്‍ മികച്ച പ്രകടനം കാഴ്ചവെച്ചിരുന്ന കിസിറ്റോയ്ക്ക് പകരക്കാരനായി ജാക്കിചന്ദ് സിങ്ങിനെയാണ് ആദ്യ പതിനൊന്നില്‍ ഉള്‍പ്പെടുത്തിയിരിക്കുന്നത്.